26、舅哥算数 ...
-
bb虽然早产，却算是遗传到了父母的优良基因，脏器器官发育良好，也未曾上过呼吸机。除开因为黄疸照了几日蓝光，住了10日医院就顺顺利利被医生签纸允许回家了，医生都赞佢係早产bb中的小斗士。
bb的外公同舅父是在他出生第二天傍晚到的香港，未来得及摆低行李，二人即嘱前来接机的俞家司机从机场直接驶到医院。探过bb，二人陪初初能落床的文强一同返病房。稍坐倾了片刻，护士进来帮文强清理，家属们便出门等候。
“俞学礼！”苏文弛重重拍了下妹婿的膊头。
“係，大佬~”原本视线恋恋不舍望住文强病房门的学礼闻声，忙转头望着来人嗌了句。
“你同我过嚟！”见正寒暄的阿爸同亲家老爷奶奶都朝自己这边望，文弛瞥了眼妹婿手边的拐杖，嫌弃地用眼神示意他走到一旁转角处。
“大佬，乜事啊？”学礼跟着他行至一边，抬头问道。
“你应承过我啲乜？点解囡囡会早产嘅，之前唔係一直话个胎好稳？”文弛压低声量板起面孔质问道，手指重重戳在学礼胸口。得知细妹早产，阿妈未放低话筒就即刻晕低咗，搞到他们坨坨转，好彩英国嗰边有自己学生帮手睇住，他同阿爸先放心返嚟。
“係，係我唔好，冇睇住阿强……大佬你捶我又好，嬲我又好，我都认。”学礼不自然地转了头，眼眶瞬间微红，他顿了顿深吸了一口气复抬头望着大舅哥道，“但係你唔好喺阿强面前讲呢啲，尤其係bb嘅事。佢一直觉得係佢冇好好照顾bb，先令到bb提早出世，我唔想佢孭住好大嘅心理负担。”
“你仲知关心佢？乜你唔係好巴闭嘅咩？整亲住院好大件事啊，要囡囡操身大细扑嚟扑去！”文弛显然不太领情地回敬道。
“係，都係我惗嘢唔够周全。我唔应该俾阿强忙嚟忙去，唔係嘅话，佢都唔使挨嗰刀。”剖腹产较自然产恢复得慢，饮食上落也多有不便。头先扶着文强一起去睇bb，虽然她没出声嗌痛，可是看她忍得脸都变色，学礼知伤口一定好唔舒服。那一刀是割在她腹间，亦是深深地划在他心上。
“宜家讲呢啲仲有乜用？你仲未答我囡囡点解会出事嘅？”电话里讲得不清不楚，又不好直问躺在病房里的那个，文弛只有问他了。
“其实我到宜家都唔係好清楚……”学礼理了理思绪，将CID班伙计说的，同文强告诉自己的，一并转述给大舅哥。
“咁即係话有人要害囡囡？你哋香港差人点做嘢嘅啊，出事到宜家都两日了仲未有消息？”听闻个妹俾人劫持，文弛真是又惊又气，对住妹婿火冒三丈。
“係，寰头班伙计做紧嘢了。大佬你放心，我唔会俾阿强再有乜事嘅了，我会好好睇住佢同bb。”学礼咬了咬唇承诺道。
“你哋呢种大少讲嘅嘢，我都係唔够胆信！”听得病房那边护士开门说可以进去了，文弛没好气地狠狠剜了他一眼，抬脚往病房走去。
靠于床上的文强见最后进来的两人神态，断估大佬又教训了学礼一餐，不自觉叹了口气。等诸人坐定，又聊了一阵，她拉了拉坐在床边的文弛的手撒娇道，“大佬啊，你同阿爸啱啱落机，都未食过晚餐，不如你哋返去休息先喇。”
“我都唔攰，再讲我哋返去边个睇住你啊？”文弛轻轻拍了拍她的手笑问。
“有阿礼睇住我得嘅了，呢几日佢都喺度陪住我，你哋放心了。你唔攰阿爸都攰了，就当我拜托你送阿爸返去好冇？”文强抿了抿唇笑笑哀求道。
“就知你肉赤你老公了~”文弛用只有两人听得到的音量细细声嘟嚷了句，复又轻抚了她手背几下，望住她心疼道，“咁你好好唞下，你睇bb几掂，比你出生住保温箱嗰时唔知叻几多。倒係你啊，唔好听日俾我睇到仲係咁嘅面色，冇乱惗嘢了，嗯？”他这细妹自小聪慧早熟，可也偏就心思缜密，比人想得多，想得远。其他时候就算了，偏偏现下仲要胡思乱想的话，真係就好危险。
“我知了，我冇乱惗嘢，仲有，我同你保证啊，我听日一定好好睇睇。咁你同阿爸快啲返去了，客房阿礼叫工人准备好了。”文强同他笑笑，又伸出小拇指等着他。
“你啊，说得出做得到先好~”文弛一样伸出小拇指和她勾勾手指头，先起身朝站在一边正同学礼说着话的父亲道，“阿爸，咁我哋都返去先了，你坐咗咁耐飞机也係时候唞下了。”
“咁你自己都要小心啲……”苏爸拍了拍学礼的膊头，复又上前摸摸文强块面，叮嘱道，“好好照顾自己啊，冇俾你阿妈担心。”
“阿爸，我会嘅了。我送你同大佬啊……”说着文强就要掀被，众人都忙阻住。
“我同世棠送亲家老爷佢哋返去了，横掂我哋都要返了。阿强你冇郁嚟郁去了，都係唞多阵了。”最终都是吴爱慈出声定音。
“係啊，阿强你好好唞下。学礼，睇住家嫂了。”俞世棠拍拍儿子臂膀道。
“咁你哋慢慢喇~”学礼送诸人出了病房门，见母亲一再同自己挥手，先转身回房。
作者有话说
第26章 舅哥算数
