《六度接觸》阿咩★

4、第四集

　　序幕

　　時：下午
　　地：陳家
　　人：蓉蓉、珠女

　　蓉：（驚訝）Pearl，呢個就係妳嘅秘密！？

　　珠：唔單止係我一個人嘅秘密，而係阿星哥哥同我嘅秘密！

　　蓉：（難以置信）我真係唔敢相信，阿星同妳，一個黑，一個白，關係竟然係咁close？

　　珠：我尊重阿星哥哥嘅不羈，阿星哥哥就包容我嘅任性，雖然我知道媽媽一定會反對，但係我哋依然會同阿星哥哥一齊，努力！加油！

　　蓉：（V.O.）聽到珠女呢一番咁勇敢嘅說話，我真係好佩服佢！佢雖然只係一個初中學生，為咗自己嘅夢想，竟然可以犧牲咁多……

　　呢個盪氣迴腸嘅故事，唔單止係阿星同珠女嘅故事，而係屬於我同你嘅故事──《六度接觸》……

　　（主題音樂）

　　第一幕

　　時：中午
　　地：陳太家
　　人：蓉蓉、陳太、珠女

　　珠：Really？

　　蓉：Of Course！

　　珠：Impossible？

　　蓉：Nothing is Impossible！

　　珠：叉燒飽哥哥，細個同妳去公園打韆鞦，竟然撞崩咗隻門牙？有冇咁誇張啊？

　　蓉：更誇張都有啊！有一次佢同我挑戰Uncle Bing嘅麻辣火鍋，結果屙咗三日三夜！幾乎要送去急症室啊！

　　珠：我開始明白，點解叉燒飽哥哥要做中醫。

　　蓉：佢曾經同我講，要做一個好醫生，幫助有需要嘅人。

　　珠：我懷疑首先要醫好自己嘅身體，可以同妳一齊食麻辣火鍋！佢真係好愛妳啊！

　　蓉：Really？

　　珠：Of Course！

　　蓉：Impossible？

　　珠：Nothing is Impossible！

　　蓉：Pearl，妳學咗真係好快，so clever！我哋講咗咁耐，都係時間開始補習。Good Morning class……

　　珠：（有神冇氣）Good Morning Miss……

　　蓉：Pearl，妳有咩嘢問題，要問蓉蓉Miss呢？

　　珠：我聽日要交一份「認識社區」嘅習作，我完全R晒頭！

　　蓉：「認識社區」？…係咩嘢習作？

　　珠：係屬於「公民教育」嘅一份功課。

　　蓉：「公民教育」？即係「Civil Education」？

　　珠：喺學校，老師同我哋講，「公民教育」係要培養個人做為公民行使義務與權利，通過相關教材，同埋教學方式，令學生對公民所應具有的權利與義務、個人與群體嘅關係、以及相關嘅民主、尊重、包容、守法等等嘅公民素養，擁有基本了解和認識。

　　蓉：尊重？包容？咁似叉燒包嘅口頭禪嘅？

　　珠：（笑）蓉蓉姐姐，明明講緊「公民教育」，妳都會提起叉燒包哥哥，你哋兩個，唔通……

　　蓉：妳唔好亂估，我哋只係青梅竹馬……

　　珠：（笑）Puppy Love？

　　珠：Wrong Answer！青梅竹馬嘅英文，應該係「Childhood Close Friends」。

　　珠：（笑）如果直接翻譯，應該係「Green Plum and Bamboo Horse」啊！

　　蓉：（假咳一聲）唔好再講嗰隻叉燒包，我哋開始補習。等我上網，查查What is「公民教育」？

　　（然後出去攞部平板出黎）

　　珠：姐姐～妳部平板電腦好靚呀！

　　蓉：係呀，呢部電腦，姐姐係英國買架！…咦？我搵到有一個「公民教育委員會」嘅網站，等我睇下先……

　　珠：我又要睇！

　　蓉：OK！妳慢慢睇啦！

　　珠：公民教育委員會，搞咗個「公民教育活動資助計劃」，委員會將會資助以「愛自己．愛家人．愛香港．愛國家」為主題嘅活動……

　　蓉：（好奇）愛自己？愛家人？愛香港？愛國家？

　　珠：等我睇埋下一頁先…嗯，委員會會預留部分資源，撥款資助以推廣社會核心價值嘅活動，包括國民教育、推廣《基本法》、維護法治精神及社會公義、人權教育、道德教育，或其他與公民教育有關的重要課題…

　　蓉：仲有冇其他活動？好似幾interesting喎！

　　珠：公民大使、製作電視節目介紹國家各方面，例如藝術、文化及歷史、舉辦基本法推廣活動、委員會出版的刊物，以及每年於香港書展舉行的公民教育展覽…

　　蓉：真係好豐富，so good！

　　珠：唔知…我同阿星哥哥可唔可以申請呢？

　　蓉：當然可以啦！妳同阿星都係香港人，只要上網download表格就可以申請。

　　珠：蓉蓉姐姐，不如妳幫我申請啦！

　　蓉：如果妳唔識填表格，姐姐可以幫妳。

　　珠：唔係啊！…因為，呢個係我同阿星哥哥嘅秘密……

　　蓉：（驚訝）妳同阿星嘅秘密！？

　　珠：妳睇吓我本筆記簿，就會知道喇！

　　（翻書聲）

　　蓉：（驚訝）Pearl，呢個就係妳嘅秘密！？

　　珠：唔單止係我一個人嘅秘密，而係阿星哥哥同我嘅秘密！

　　蓉：（難以置信）我真係唔敢相信，阿星同妳，一個黑，一個白，關係竟然係咁close？

　　珠：我尊重阿星哥哥嘅不羈，阿星哥哥就包容我嘅任性，雖然我知道媽媽一定會反對，但係我哋依然會同阿星哥哥一齊，努力！加油！

　　蓉：珠女，呢個就係妳同阿星嘅夢想？

　　珠：冇錯！我嘅夢想，就係要做一個漫畫編輯，主編一本編輯漫畫雜誌！既然蓉蓉姐姐幫我改咗「Pearl」呢個英文名，呢本漫畫雜誌，我就叫做《Pearl Comics》啦！

　　蓉：之但係，阿星啲畫，真係好不羈！好special，好有style……

　　珠：蓉蓉姐姐，妳會支持我同阿星哥哥嘛？

　　蓉：會！我一定會support妳！我會尊重阿星嘅不羈，包容妳嘅任性……

　　陳（從廚房走過來）：珠女、蓉蓉、食飯喇！

　　珠：（低聲）妳一定要同我保守秘密，唔好同媽媽講啊！

　　蓉：No Problem！

　　珠：Really？

　　蓉：Of Course！

　　蓉：英文有一句俚語：Teaching others teaches yourself，我雖然係阿Pearl嘅tutor，但係就從佢身上學識咗尊重，同埋包容。

　　只可惜，根據「六度接觸」嘅理論，阿Pearl同阿星嘅秘密，結果都被陳太發現咗，最衰都係嗰隻叉燒包！……

　　﹝音樂過場﹞

　　Hanjin：公民教育委員會呼籲大家，

　　Fiona：尊重不同價值，

　　Hanjin：包容不同聲音。

　　﹝第四集完，待續。﹞