《六度接觸》阿咩★

5、第十集

　　序章
　　時：傍晚至晚上
　　地：炳記火鍋
　　人：蓉蓉，叉燒飽，炳記，阿星，陳太，珠女
　　叉：大家靜一靜！我有野講！

　　（全部人靜哂咁望住叉）

　　叉：我知係聽日就飛返去英國，大家都好唔捨得你，當初你當阿星係變態，結果同佢愈來愈ＦＤ；每個禮拜都幫珠女補習，又唔係成日留係炳記，真係唔係太見到你幾面，今日係你係香港最後一日，我想同你講…其實我一直鐘意咗你好耐！冇錯，我係個口不對心，又矮又笨既死肥仔，我知係係鐘意Ｄ高大威猛既…但係！我好希望你可以考慮我！

　　（然後眾人起哄，叉面紅坐低默默食野）

　　珠：（不懷好意）哦～～～突破性既表白呀！姐姐，你答應佢啦～

　　陳：（口音）係囉，好似叉燒包呢Ｄ咁好既男仔要好好把握呀！

　　炳：我完全唔介意將你交俾叉燒包喎

　　星：我支持你！

　　叉：（ＶＯ）究突發生咩事？點解我無啦啦咁大膽？你留意呢個故事啦！一個屬於我叉燒包同大家既故事…

　　（主題音樂）

　　第一場
　　時：上午？中午？不清楚
　　地：炳記火鍋
　　人：蓉蓉，叉燒飽，炳記，阿星，陳太，珠女

　　珠：（拿著扇解涼中）好～熱～呀～今日咩日子呀，熱到。

　　陳：（口音）珠女，今日大暑緊係熱架啦！

　　炳：（粗聲粗氣）係囉！唔知係咪溫室效應加劇，今年個大暑係三十號喎！好彩有冷氣！

　　珠：都係好熱呀～

　　陳：（口音）欲求不滿！

　　（這時蓉正走進炳記）

　　蓉：咦？大家咁齊人既？

　　炳：咦？阿蓉呀？入黎一齊涼冷氣啦，出面曬死你呀！

　　蓉：你地…唔係留係Uncle 炳到涼冷氣呀？

　　叉：唔係呀！我地聚係到係因為…

　　（叉燒包欲言又止，被眾人大叫）

　　炳：叉燒包！你差Ｄ出大鑊呀！

　　叉：唔好意思呀炳記，一時口快快。

　　星：叉燒包，不如你帶阿蓉出去行下先啦好冇
　　（但係推緊佢地出去）

　　蓉：喂！你地有咩企圖呀？

　　叉：理佢！你唔想同我行街咩？

　　蓉：如果你高返Ｄ瘦返Ｄ又冇咁口臭就唔介意！

　　（最後被叉燒包白了一眼）

　　（音樂過場）

　　第二場

　　時：中午？
　　地：炳記火鍋
　　人：炳記，阿星，陳太，珠女

　　珠：好啦！而家姐姐出咗去我地可以整啦！

　　炳：好，一切照劇本進行！珠女岩岩做得好！

　　珠：今日係姐姐最後一日留係到嘛，個送別會緊係要俾個surprise佢啦！

　　陳：（口音）果然俾你跟阿蓉補習就係好，睇下一出口就英文

　　星：好啦好啦，閒話家常就到此為止啦！我地講好咗今日一定要陪阿蓉食麻辣火鍋架知道冇？

　　炳：唔洗勉強喎！我學識咗包容唔同國家、種族等都有佢地既習性，所以個火鍋湯料…哈哈哈…期待吧！

　　珠：會唔會唔係太好呀…講好今日陪姐姐食辣…

　　炳：唔會既，阿蓉佢識尊重架嘛係咪？

　　星：美名為「社區共融慈善嘉年華會慶功」，實際上係幫阿蓉佢餞行會，而家開始啦！
　　眾人：ＯＫ！

　　（音樂過場）

　　第三場

　　時：中午（和第二場同一時間但不同主線）
　　地：街
　　人：叉燒包，蓉蓉

　　蓉：好啦喎，你地究竟暪我Ｄ咩？

　　叉：到時你咪知囉！

　　蓉：懶神秘！哼！

　　叉：你地開學幾時？

　　蓉：九月一囉，正常都係架啦！

　　叉：吓？乜英國都係九月一咩？

　　蓉：你唔捨得我咩？

　　叉：吓？邊個會唔捨得你吖！咁難頂得我碩到你架咋

　　蓉：係囉真係辛苦哂啦～你咁包容我～我聽日走架啦，有咩想同我講呀～

　　叉：（面紅／／／）邊…邊…邊個有野同你講呀！哼！

　　蓉：咁你又約我出街～

　　叉：奉命行事！

　　蓉：車！頂你唔順！又要口是心非又要擔心…唉…真係唔明你地Ｄ男人諗咩架，坦白咪好囉

　　叉：邊個得行去關心你呀！我好忙架！
　　蓉：（奸笑）我又冇話係你，Uncle炳唔得既。

　　（叉飛來一個白眼）

　　蓉：講真呀，阿星呢份人唔話得呀，佢畫畫又令喎，諗真ｄ古桐色既皮膚都幾好呀係咪？

　　叉：（慌張）哇！你咁重口架！黑古核突你都岩？

　　蓉：你要尊重吓人呀叉燒包！要包容同我地唔同膚色既人呀！仲有呢，你真係唔覺阿星好似哥哥架咩？

　　叉：（鬆口氣）哦，原來係係咁既意思！

　　蓉：如果唔係你以為點呀？好似某Ｄ口事心非既人咁鐘意唔認？ＮＯＮＯＮＯ～我接受英國思想大架，我地先唔會咁怕羞。

　　叉：蓉呀，其實我…

　　（叉想講野時電話響）

　　叉：（生氣）邊個呀打得咁岩時候！

　　炳：我呀！做咩咁躁呀兄台！我想講你可以帶阿蓉返黎啦，所有野都準備好。

　　叉：得啦得啦。

　　蓉：咩事呀？你唔係有野同我講咩？

　　叉：冇野啦。天就黎暗啦返去囉。

　　（音樂過場）

　　第四場

　　時：傍晚至晚上
　　地：炳記火鍋
　　人：蓉蓉，叉燒飽，炳記，阿星，陳太，珠女
　　（蓉睇到炳記門口寫赘是日東主有喜」然後關咗門）
　　叉：（輕聲）哇，佢地玩到咁大？

　　蓉：（推門進）點解裡面黑蚊蚊既？

　　眾人：阿蓉，歡迎光臨！

　　蓉：你…你地…

　　（然後掃咗桌子上既野食，諗到成件事既來龍去脈）

　　蓉：哦！你地曳曳啦，夾埋一齊玩我！

　　珠：（馬上走上前賣口乖）姐姐，我地都係都倅個surprise你姐～

　　蓉：This surprise so suprice!

　　炳：唔好講咁多啦，肚餓，食飯先啦！

　　（各人就位）

　　蓉：點解無啦啦今日搞到咁大既？

　　星：幫阿蓉你餞行嘛，你聽日就要走啦。

　　陳：（口音）係呀！我好唔捨得你呀！你人又好，肯免費幫我補習，又包容我呢個師奶，唔會因為我同珠女係新移民歧視我地，當正我地香港人咁尊重。

　　星：係呀！仲有多得你同珠女幫手先可以實現到願望！你聽完我個願望後冇睇少我不得止，仲幫我實現願望！你尊重我既夢想，所以先有今日既成就！

　　蓉：舉手之勞姐～

　　珠：上次你教我做既功課我攞Ａ呀！

　　蓉：咁咪好囉。

　　炳：阿蓉呀，你手續搞好未呀？
　　蓉：申請咗啦！聽日就搞點。

　　（叉突然激動企起身）

　　叉：大家靜一靜！我有野講！

　　（全部人靜哂咁望住叉）

　　叉：我知係聽日就飛返去英國，大家都好唔捨得你，當初你當阿星係變態，結果同佢愈來愈ＦＤ；每個禮拜都幫珠女補習，又唔係成日留係炳記，真係唔係太見到你幾面，今日係你係香港最後一日，我想同你講…其實我一直鐘意咗你好耐！冇錯，我係個口不對心，又矮又笨既死肥仔，我知係係鐘意Ｄ高大威猛既…但係！我好希望你可以考慮我！

　　（然後眾人起哄，叉面紅坐低默默食野）

　　珠：（不懷好意）哦～～～突破性既表白呀！姐姐，你答應佢啦～

　　陳：（口音）係囉，好似叉燒包呢Ｄ咁好既男仔要好好把握呀！

　　炳：我完全唔介意將你交俾叉燒包喎

　　星：我支持你！

　　蓉：其實…邊個話我返英國…？

　　眾人：吓？

　　蓉：我一早辦好手續，留在香港繼續學業；暫別大家，只是因為搬到大學宿舍居住……

　　眾人：會唔會係咁呀？？？

　　蓉：不過聽到叉燒包既突破性表白又真係令我SURPRISE既…

　　叉：咁你意下如何？

　　蓉：睇下點先啦，過咗試用期咪ＯＫ囉！
　　炳：好囉！咁咪好囉冇人走又成咗一對情侶，今日寅係開心呀！大家快Ｄ食野慶祝囉！

　　叉：（ＶＯ）呢個故事，就係我叉燒包同大家既故事…

　　﹝音樂過場﹞
　　Hanjin：公民教育委員會呼籲大家，
　　Fiona：尊重不同價值，
　　Hanjin：包容不同聲音。
　　﹝第十集完，全劇終。﹞