《六度接觸》阿咩★

2、第二集

　　序幕（第一幕片段）

　　時：中午
　　地：舊區街上
　　人：蓉、叉、星

　　叉：詠春．叉燒包！

　　星：太極．周星星！

　　叉：我師承電影《葉問》、《葉問前傳》、同埋《一代宗師》，精通詠春「三件頭」：攤、搒、伏。

　　星：我師承街坊福利會嘅楊師傅，明白太極生兩儀、兩儀生四象、四象生八卦嘅道理。

　　叉：功夫，兩個字，一橫，一直。錯嘅瞓低，啱嘅企響度。

　　星：此言差矣。古語有云：止戈為武。人與人之間，貴乎尊重與包容。

　　蓉：（V.O.）人與人之間嘅緣份，果然係非常微妙！就好似拍戲咁樣，我竟然見證住我青梅竹馬嘅叉燒包，同嗰個烏卒卒嘅變態佬嘅世紀大戰？

　　呢個咁不可思議嘅故事，就係屬於你同我嘅故事──《六度接觸》……

　　﹝主題音樂﹞

　　第五場

　　時：中午
　　地：地：舊區街上
　　人：蓉蓉，叉燒飽

　　叉：原來你今日返黎呀！唔掛之得炳記約哂我地成班人食火鍋啦！

　　蓉：係咩？

　　叉：不過咁耐冇見，差Ｄ唔認得你ＬＯＬ

　　蓉：你咪一樣！

　　叉：唔係呀！冇見你咁耐又肥咗又樣衰咗，肯定係英國食好多炸薯條啦哈哈！

　　蓉：冇見你咁耐，原來你一直都冇高到不得止，仲肥咗好多喎！

　　叉：咩呀！我呢Ｄ叫有福氣！

　　蓉：車！我呢Ｄ叫食得是福！

　　叉：你岩岩做運動呀？見你喘哂氣身水身汗咁既

　　蓉：（緊張）唔好提啦！有個變態黑古核突追住我，嚇死我啦！

　　叉：（白眼）你係英國唔係成日見咩？

　　蓉：人地係金髮藍眼，令好多囉好冇，邊會係呢Ｄ黑古核突呀！

　　叉：哦！你帶歧視！

　　蓉：你就帶歧視！快Ｄ睇下個黑古核突有冇追黎！

　　叉：冇呀！

　　（蓉鬆一口氣）

　　叉：都話你發福啦行路慢咗咁多

　　蓉：咩呀！我細細個係公認既令女黎架！哼！

　　叉：（白眼）你幾歲呀！仲有果個好似唔係你喎！

　　蓉：唔好再講啦！我好期待今晚個麻辣火鍋呀！快Ｄ啦！

　　（音樂過場）

　　第六場

　　時：中午
　　地：舊區街上
　　人：蓉蓉，叉燒飽，阿星

　　星：我叫你唔好走呀！

　　蓉：（大驚）呀！！！變態又出現！！

　　星：咩事呀你，又叫又走！

　　叉：（淡定）唔洗驚，叉燒飽係大廳！等我擊退呢個變態！

　　蓉：（白眼）你？何德何能？

　　叉：詠春．叉燒包！

　　星：太極．周星星！

　　叉：我師承電影《葉問》、《葉問前傳》、同埋《一代宗師》，精通詠春「三件頭」：攤、搒、伏。

　　星：我師承街坊福利會嘅楊師傅，明白太極生兩儀、兩儀生四象、四象生八卦嘅道理。

　　叉：功夫，兩個字，一橫，一直。錯嘅瞓低，啱嘅企響度。

　　星：此言差矣。古語有云：止戈為武。人與人之間，貴乎尊重與包容。

　　蓉：（V.O.）人與人之間嘅緣份，果然係非常微妙！就好似拍戲咁樣，我竟然見證住我青梅竹馬嘅叉燒包，同嗰個烏卒卒嘅變態佬嘅世紀大戰？叉燒飽最後就同大地黎一個深情既KISS。姐係點？慘敗囉！

　　蓉：（害怕）你…你…你唔好行埋黎呀！我警告你

　　星：你愈行愈遠做咩？我都幫唔到你攞行李！

　　蓉：你劫財好啦，唔好劫色呀大哥。

　　星：劫色？哦，唔係呀，我係炳記既朋友呀！！

　　（蓉＋叉不可置信的望著星）

　　星：（不快不慢緩緩地道）其實呢，炳記佢俾過相我睇，所以我認得你，見到你蕩失路咪想幫下你咁囉…（傻笑）點知俾你當做變態

　　蓉：（十分抱歉）I am so sorry！I haven’t thing about it！對唔住呀！

　　叉：原來係咁，早Ｄ講嘛，等我以為可以俾套詠春你睇添

　　星：好啦，炳記等得好耐啦，一齊返去啦！

　　（叉燒包和阿星如左右護法陪伴蓉蓉到達「炳記火鍋」）

　　蓉：（ＶＯ）呢個故事，就係屬於我蓉蓉，叉燒飽同阿星既故事。

　　﹝音樂過場﹞

　　Hanjin：公民教育委員會呼籲大家，

　　Fiona：尊重不同價值，

　　Hanjin：包容不同聲音。

　　﹝第二集完，待續。﹞