24、心系稚儿 ...
-
学礼坐到床边椅子上，将手伸入被下摩挲着她的右手，望着她皱着眉愧疚道：“Sorry啊，冇陪到你入产房，戥你一个人喺入面。讲定咗要自然产，又係剖腹生……係我冇口齿，冇保护好你。”
“bb冇事就好了，你都唔想嘅，呢啲係意外嚟嘅嘛。”文强抿了抿唇不在意道，经过这一阵扰攘，她也渐渐想起事发经过，只是心中还有好多疑团未解，终是忍不住，又张口问道，“你知唔知袭击我嘅係乜人嚟架？”
“我哋宜家仲未知，寰头伙计已经查紧了。听琴晚同我录口供嘅伙计话，係有人行过发现你躺喺废车场先报警嘅。係了，琴晚你点解会冇返到屋企嘅？”学礼对于她是怎样出事，亦是一头雾水。昨晚在手术室外听寰头伙计说被人发现时，文强已是昏迷，看现场痕迹可能是她自己爬了好长一段距离出来求救，他更是心惊胆战，望着文强担忧问道。
“琴晚我喺医院门口拦咗架的士返屋企，上到车觉得好攰，冇几耐就盹着咗，后尾醒返已经唔喺车上了。我醒返嗰时手同脚都被绳子捆住，对眼又俾人蒙住，嘴都俾胶带黐埋，我都唔知自己点解会落车都冇察觉，我仲惗係咪俾人标咗参。”文强理了理思绪，跟学礼讲起自己尚有印象的部分，“不过周围嘅汽油机油味同啲旧车嘅尘味，我估可能嗰时就已经喺废车场度。我四周围摸下，惗住搵啲嘢割开啲绳，跟住就听到脚步声，一个男人走近，佢捏住我下巴同我讲，‘madam，有冇人话过你知唔好多事，多管闲事嘅后果你自己知。’我问佢係边个，为乜事捉咗我，佢都冇答我，净係拍拍我块面讲‘原来你都知惊嘅。’”文强用右手比划着当时对方的动作。“跟住佢电话响，佢就行开听电话，我仲惗住偷听下佢讲啲乜，佢忽然间就唔讲住，跟住我俾唔知啲乜蒙住个鼻，之后嘅事我就唔知了。”讲着文强紧张地拉住学礼的手，睁大眼激动道，“嗰个人可能俾咗哥罗芳我嗅，阿礼，bb……bb会唔会有事嘅？”
“bb冇事，啲医生都check咗，除开比足月嘅bb细啲，佢都好硬颈，生命力好强，你冇乱惗嘢了好唔好？”听着她一路讲下来，学礼的脸色都跟住阴沉不少，见她又急起上来，他忙揽着她安抚道。想起医生话过她仲係好虚弱，需要静养，虽然自己心中仍有许多不解，都是不适宜再问，遂同她柔声说道，“你仲有两个几钟先可以食嘢，瞓多阵好唔好？你都听到了，医生话你宜家最重要嘅就係好好休息，bb有班姑娘睇住，你放心。Mummy佢哋琴晚已经嚟咗，嗰时你仲未醒，我让佢哋返去先，等天光佢哋会再过嚟。你都唔想佢哋担心係咪？”
“Mummy嚟咗，咁你嘅伤……咪穿咗？”文强听他一再保证bb无事，姑且信他。可看他现下的装束，想必他的脚伤是瞒不住老爷奶奶了。
“係啊，係穿咗……”学礼同她无奈笑了笑，将她上半身轻轻放低靠于床上，复道，“你冇担心我喇，担心你自己先，眯埋眼瞓喇！”
“咁你都返去啊，你都仲未好……”刚刚激动一使力，牵动了伤口，文强也觉得有小小痛楚和晕眩。见眼前人的伤都未好，头先看照片时瞄到手机上显示的时间已是凌晨3点29分，他大半夜还不回病房，她也不由开始赶人。
“我边有事喈，冇嘢嘅，都唔知医生点解唔签纸俾我出院。”腿上这点伤学礼才没放在眼里，再说又知道她是被人挟持，而且并非因着自己家世，对方明知她是警务人员都照下手不误，现下就是有人拿枪顶着他脑袋他都不会离开她，“你瞓了，我喺度陪你，乖。”学礼似哄孩子似的摸了摸她块面，跟住调低床头射灯，再帮她掖了掖被子。医生话剖腹产后采用侧卧位可以减轻身体移动时对切口的震动和牵拉，缓解她子宫收缩时的痛感，可是只能半靠不能平躺，他估可能她并不是多好睡。
“阿礼……”听他抱怨不能出院，文强想起昨天的报告结果，不由又蹙了蹙眉，欲言又止。
“冇讲嘢了好唔好？你唔係话要喂母乳嘅，宜家唔好好唞下，底时边有体力照顾bb？”学礼见她仍不听话，索性拿她最着紧的bb做挡箭牌，喝令她休息。
“咁……早唞。”见他执意不肯走，自己又没法使力起身赶他，文强满脑乱嗮，想着他的伤和检验结果，想着现下身在保温箱的孩子，想着昨晚被人劫持的事，疲惫和倦意渐渐袭来，终是闭上眼睛沉沉睡去了。
见她呼吸逐渐和缓，学礼这才跟住伏低在床沿，阖眼慢慢盹着。
作者有话说
第24章 心系稚儿
