20、沉默是金 ...
-
“Madam！”文强拎着塑胶袋等紧lift，就听到有人嗌自己，她转头，见成班手足都来了，遂抿抿唇同他们点了个头。
“阿礼点嘛？手术做完未？”阿源走在最前，最先开声问道。
“手术做完咗，不过麻药仲未退，佢都未醒返。医生话，佢左腿骨裂，加埋轻微脑震荡……应该问题不大。”文强转述道，见上司也到场，轻轻嗌了句，“展sir。”
展sir朝她点点头，星仔上前递了件东西过来，“Madam，头先阿珊喺走廊执到嘅，佢话係你嘅，我哋就带咗嚟。”原来是自己的围巾，文强接过，同他道了句“唔该。”
“係了，阿礼係点样整亲嘅？”围好围巾，lift也到咗，诸人上了电梯，文强又抬起头问众人。
星仔头先和学礼一组离他最近，他望望其他手足，行过去，同文强小声解释。今日嘅case是间幼儿园俾两个匪徒劫持，匪徒不单只有枪，仲绑埋炸弹喺啲细路身度。SDU攻进去的时候，一个匪徒试图带住个细路女跳天台逃跑，匪徒俾阿源击毙，细路女就已经俾带到天台边缘，学礼站在天台外沿试图氹佢朝内侧行，但佢已经俾匪徒中枪嘅样吓到企唔稳，一个唔觉意就往外跌，学礼眼疾手快都赶唔切拉住佢，只得奋身搂着她做肉垫，先至跌亲。
“个细路女冇事吧？”文强听毕，鼻头不禁有些酸楚，带住轻微鼻音幽幽问道。
“好似啲皮外伤，唔多紧要了，不过应该有小小俾吓亲。”星仔答了句，见文强红了眼眶，不由有小小紧张，自己又没带纸巾，忙转头同班手足求救。
“Madam，纸巾……”这两日有小小冻亲的光仔递了便服口袋里残存的半包纸巾过来。
“唔该～”文强接过，咬咬唇同他道谢。
“Madam，阿礼咁fit，一定唔会有事嘅～”星仔轻轻拍了拍她的手臂宽慰她道。
“係啊，佢唔会有事嘅，我知。”文强抹过眼泪，吸了吸鼻子朝众人笑了笑，心内却更是千回百转。
趁学礼未醒，班手足又在这里，用了午饭，文强交待了他们一声，跟住回家执了学礼的内衣裤和日用品，返总部拿了他的电话等物品，执了自己朝早未理完的file，又跟展sir请了假，才又回到医院。
“Bob仔，呐~讲madam madam就到~”文强才推开病房门，就听到庄sir的调侃。
“点嘛，趁我唔喺度讲咗我啲乜啊？”见学礼已经醒返，正靠坐在床头同阿源倾紧偈，文强同阿源点了个头，放低小行李袋和保温汤壶于一旁，坐上床沿。
“老婆，让你担心了，sorry~”拉了她的手轻轻摩挲，学礼歉疚道。头先听阿源话她落过泪，学礼不由又惗返起上次韫lift时她哭得对眼红肿的样子，醒返又不见她，他几咁担心她阵间又乱惗嘢。
“傻喇，你又唔想嘅。”文强状若轻松冲他笑了笑，摸摸他块面问道，“点嘛，个腿仲痛唔痛，个头晕唔晕啊？”
“见到你就唔痛唔晕喇~”学礼摇摇头同样释出笑容回道。
文强见他受伤瞓医院都没个正经样，不由抿抿唇，白了他一眼。
“係喇，madam你放心，医生头先嚟check咗喇，阿礼冇嘢嘅，小手术嚟嘅喈，七点钟以后就可以食嘢了。係了，使唔使我落canteen买啲嘢食上嚟？”阿源见状忙搭上一句，费事大肚婆心忧。
“唔使喇，唔该你头先帮我睇住阿礼，宜家你行得喇。你唔係同慧慧约咗去试蛋糕，唔阻你哋喇~”文强转头同阿源道谢，原本一早就讲定要做慧慧的伴娘，点知自己进度仲快过他们俩。现下学礼住院，她又挺着个大肚子，实在抽不到身帮好姐妹手，已经是万分不好意思了。
“哇，madam你连我同慧慧今晚去做乜都知？阿礼，你老细犀利啊~”阿源朝病床上的人意味深长地飞了个单眼，笑笑道，“咁我行先喇~都唔阻你哋二人世界~唔係，係三人世界~bb，uncle行先喇~byebye~”阿源弯身同文强的肚子作势挥挥手，先起身离去。
文强和学礼见状，不由对视笑了笑。学礼又伸手抚上文强分量唔细的小腹，脑袋凑近肚皮顽皮道，“bb，点嘛，有冇挂住daddy？冇闹mummy吧？”
“bb都唔知几贴心~”文强低头努了努嘴，拍拍他的头，复又转头指了指一旁的保温壶道，“我带咗啲笑姐煲嘅汤，你有冇其他想食嘅，我阵间落去买。”
“都得架。”学礼瞥了眼汤壶随口应了句，复又抬起脸一脸正色紧张追问，“係了，我受伤嘅事你冇同daddy mummy讲吧？”
“梗係未了，俞大少你教下我点讲好唔好？”文强闻声没好气地低头瞪了他一眼，嘟起嘴回道。
“老婆你唔好嬲喇，你嬲bb都跟住嬲喇~”学礼摸摸她块面卖乖道，“不如阵间我打俾家姐，要佢今晚喺屋企睇住daddy mummy，如果新闻冇播飞虎出动梗係最好，如果有播你都唔好认係我有事。横掂我观察几日就可以出院，你话我去外岛训练都得，好唔好喈？”
“你啊~我睇住bb个面喈，要我帮你讲大话~因住教坏细嘅！”文强撅了撅嘴应承，看他一脸轻松自得，心内却不由挂着泌尿科检查的结果不知几时会出，想着自己这几日最好都是守在医院稳妥啲。
“老婆~我都知係你最好了！”学礼亲呢地嘟了个嘴过来作势索吻，却见文强愣着神未有反应，不由撒娇道，“老婆，见你老公整亲腿，派啲止痛药俾我好唔好啊？”
“乜止痛药啊，你伤口好痛咩？我帮你嗌姑娘！”文强见他凑近的脸先回过神，却只听到后半句，忙探身要去按学礼床头的铃。
“唔係唔係，唔係伤口痛。老婆，你冇事吧？”学礼忙轻轻拉了拉文强的手臂要她坐低，跟住细细端详她面色，只怕她有什么事，又强自撑着不肯说。
“冇啊，有事嗰个係你唔係我。”文强皱皱眉心不在焉应了句，转头望见自己带来的行李袋，便挣开他只手，起身执嘢。
作者有话说
第20章 沉默是金
