98、你是我的眼（结局3 C）我不愿让你一个人 ...
-
【我不愿让你一个人】
“老公，sorry啊，咁耐未嚟探你。原本你生日嗰时要嚟嘅，刚啱撞正打风，后尾拖下拖下就到宜家了，都算係甩你底了。”文强单肩孭住背囊，放低花束于挚爱的墓碑前，含笑辩道，“横掂我嘅赖猫都喺你度学返嚟嘅，咪算打和咯。”
“细女都几得意嘅，眼仔碌碌都有啲似你喔~mummy家姐同轩佢哋都咁话。如果你睇到，实好开心嘅。或者你都睇到了，净係冇话我知喈。”用纸巾细细抹净照片上的薄尘，他那双多情的眼似笑非笑地望住眼前人，都一样令她心动，“上礼拜视障协会三十周年，我冇去到，不过代你签咗张支票，你知，我要凑bb嘛，唔得闲噶。”
“好了好了，就知瞒唔过你噶。係啊，我係唔够胆去。”将背囊放低在墓旁草坪上，文强不敢直视那张笑脸，索性蹲下为他捡拾墓台前已干枯的花束，“你知噶，嗰年你好返之后同协会拍嘅嗰张poster宜家仲用紧，我唔够胆睇喈。你讲，我係咪好冇用啊？”
那个从前成日撩她的人没有应答，他身后那排柏树却随风动了动。
“我知，喊就唔靓了。”文强忙拿手背抹了抹眼睛，用力吸了吸鼻子，抿唇道，“我唔喊了，今日我生日嘛，求婚嗰时你话嘅，今日留返俾你嘛，边有人今日喊嘅。”
干枯的花束都是早前亲友清明来探他时送的，几束里有一束夹住张卡片，她抽出看，经历几个月风吹日晒的一帧小卡虽有些模糊裂纹，犹能看出正面是幅卡通警察像，下面是两行小字”热忱在心，救人危难“，背面印着花体的“Happy Birthday”，却无署名，文强挑挑眉，将卡片摆回墓台。
“应该係佢咧？我知，你哋冇嘢嘅。不过……佢都几冧你噶！连你牛一都记得。我哋成班人唔得闲嚟，佢都特登带埋花嚟同你庆祝，都好嘅，你唔使一个人嘛。”文强抬眼望住那张黑白相，笑了笑幽幽道，“我唔会呷醋了，先唔俾你咁得戚！”
收拾干净他如今的居所，文强躺低在墓台隔离的草坪上，望住浩园上空的蓝天，思绪起伏，惘然道，“唔知边朵云係你，边颗星係你啊。我好想坐喺你大髀度，揽住你条颈，由你抱得我实一实。我未话过你知，我最中意你揽我了，几有安全感。好想似以前我哋一家出去玩，趁个女未醒，你抱我坐喺流理台整早餐，轻轻锡我一阵，跟住喂啲嘢我食，又要我喂返你。好想同你再手拖手，食过饭一起散散步，讲下同学聚会大家点变，总部班新仔有几唔掂。好想你车我返围村，试下齐妈嘅手势，你咪话过，等我哋以后退咗休，搬返过祖屋住，空气好又方便烧嘢食，喺天台整个千秋再搭个棚，夏天都几舒服嘅。好想你激嬲我多一次，嗌下交，锤你一餐都好。好想听你嗌我多一声老婆又好，madam又好，老细又好。其实就算你又睇唔到嘢，行唔到，点都好，我都愿意噶，我净係好想你喺度啊……我係咪好自私咧？”文强闭上眼摇摇头，“唔係，呢啲唔係叫自私，係贪心。生日嘛，大嗮咩？但係你都唔会再整多一碗面俾我食了，唔会俾多封利是我了，就连我想笑多一次场你都唔俾了，俞学礼，我先知原来你係咁小气嘅！咁，俾我今晚梦到你啊，至少讲一句生日快乐嘛，乜都唔讲，我点知你係咪根本忘咗我，仲讲乜下一世？”原本静谧的浩园忽的一阵大风刮过，他身后的那丛柏树枝叶摇晃，跟住落下几颗鳞状树叶。
“起风了，咁我返去了，今晚约定你了，你唔嚟我嬲嘅啊！”文强爬起身，拍落身上的草枝，最后伸手轻轻摸摸他那冰冷的面颊，同他笑笑道，“师兄，再会了。下次我带埋bb一起嚟探你，或者嗰时佢就识叫爸爸了。”
转头一瞬，她白净的面颊上刷过大股泪流。
墓台上她带来的那束独占春随风轻摇，朵朵花儿白瓣黄芯好似双双飞燕。
作者有话说
第98章 你是我的眼（结局3 C）我不愿让你一个人
