92、你是我的眼（结局1 M）断了的弓 ...
- “老婆，sorry啊，咁耐无嚟探你。係咪又嬲我啊？係了，我抵嬲嘅，咁唔小心整亲自己，仲要喺医院住咗咁耐。医生话我有小小骨质疏松，宜家要多注意补钙，仲要食埋维他命D。我会听嘅了，话嗮年纪都唔细了，费事有乜事要心心腾嚟腾去，好似今次佢又几次喺英国嘅大学摞假返嚟睇我，都几嗮时间噶，其实康复治疗佢都帮唔到我啲乜了。不过睇到佢嚟我又几安慰嘅，都係好有我心嘅乖女嚟架。佢宜家长得几似你，都差唔多到我初初识你嘅年纪了，原来咁快嘅。”学礼缓缓蹲下身，挺直上身艰难地去擦拭墓碑上的旧相片，“其实之前喺Operation team出返嚟，上头都有问我有冇其他寰头想去，O记、NB都可以安排，或者返学堂教书都得。我点舍得走喈，我哋喺总部识嘅嘛，出返去，天大地大，度度都冇归属感，咪留返喺训练部做教官了。係了，今次总部个training楼都翻修过，天台都重刷过，以前嗰啲白色嘅细粒瓷砖都换埋。大房、canteen、更衣室……终于都轮到啲楼了。你走之后，有时放工我都喺天台待多阵，望下个天，惗起以前嘅嘢，好似都离你近啲，宜家终于连呢啲最后嘅念想都冇埋。”学礼用手撑在膝盖上，艰难直起身，对住墓碑叹了口气，“係咪想笑我啊，係了，我仲要戴住个护腰好几个月，起落就係咁唔方便，要似返以前嘅身手都係需要啲时间嘅了，你以前读护士嘅嘛，你实知噶。其实我都未见过你着姑娘装係点样，斋睇你着过手术室嘅衫，应该……都几靓嘅。”学礼回味似地笑了笑，跟住道，“我好挂住你啊，老婆！今次出事嗰阵好痛嘅，我直头以为要去见你添！有机会见你唔係唔好，但心心都仲未有归宿，如果咁样落去见你，好似唔係几好嘅。你唔喺度，我梗係要睇住佢，睇佢揾到自己中意嘅工作，同埋揾返个好男仔，最好生埋个孙俾我凑。我呢个公公都会话俾个孙知，婆婆係个乜人嚟架。係了，惗返起仲有件事要同你say sorry，你嘅小提琴摆得太耐，因为我喺医院，冇办法做定期养护，啲弓毛断嗮，摞到琴行睇过，话应该係虫蛀嘅，整唔返了，除开换过啲弓毛，但就算换过都唔係你掂过嘅了，原来好多嘢都係keep唔到永远嘅。你话把琴係读书嗰阵喺学堂教过你嘅Jodie姐姐送嘅，我冇保管好，真係对唔住了。同埋我都问过琴行，Jodie姐姐都仲係未返去过，睇怕佢都唔记得你哋之前嘅约定了噶。不如，下一世，我赔返把琴你好唔好？你唔出声嘛，我都照计当你应承噶！你闹我赖猫又好，我等你嚟闹我好冇？时间差唔多了，走先了，下个月要过去参加心心毕业式噶，到时返嚟再嚟探你！”
作者有话说
第92章 你是我的眼（结局1 M）断了的弓
