88、再出发（三） ...
-
笑雯报了地址，学礼应了句明白，复又问她空调温度如何，需不需要调高。
“唔使了，多谢你了俞sir！”笑雯拍拍有稍稍醒返的女儿，忙道。
“你唔使咁客气啊，嗌我嘅名得嘅了！BB多大啊？好精灵啊！”学礼瞄了瞄后视镜笑着问，头先自我介绍时他站在文强身旁，只觉得夜幕掩映下睡着的女婴更显白净乖巧，十分惹人喜爱。
“啱啱6个月～”笑雯哄着女儿，不知是不是头先吹了阵风，现下好似睡不着了。
“你同阿强係几时嘅同学啊？”学礼点点头，又问了句。
“小学同学喇！”文强转头看笑雯好似顾不定个女，忙帮口答道，“揸车冇讲咁多嘢了，因住吵醒bb！”
“喔～”学礼点头道，复又想起旧年她说在街上撞返俾抢包的陀住b的小学同学，睇怕都是眼前这位。
离笑雯家隔一条街的路口，遇上红灯，学礼把车停下。忽然听到阵声音，跟住闻到阵伴着奶香的酸味。
“啊呀～茹茹，你点嘛？”笑雯发现女儿突然吐奶，忙将她抱起给她拍背。
“纸巾～”文强转头见这情况，忙将车头的纸巾盒递过去，“茹茹冇事吧？使唔使去医院？”
“可能係头先吹咗风，冇事冇事，唔好意思俞sir，整污糟你架车～”笑雯接过纸巾给女儿清理，心里万分抱歉。
“冇事嘅，反正我听日要去洗车。”学礼忙应了句，“bb冇嘢吧？”
“冇事～”笑雯擦干净女儿的脸，发现毛毯却不易擦净。
“我后备箱有毯子，阿强唔该你摞俾你同学啊！”学礼见状忙道，好在之前常常上山看夜景，毯子都备多几条。
“雯雯你等阵呐～”文强落车去后备箱翻找出毯子，顺便取了个环保袋，再开了后座车门帮手笑雯换掉脏的毯子，再装进袋子里。
“今晚搞住你哋咁耐真係唔好意思，揾一日请你哋食饭啊！”电梯里，笑雯对学礼和文强道。
“你冇咁客气喇，真嘅唔使送茹茹去医院？”文强不放心地追问。
“冇事嘅，你哋放心。”见楼层已到，行出电梯，笑雯又道，“你哋入嚟坐坐啊，饮杯水先走。”
“唔使了，你陪住茹茹喇，我哋返去先。”文强摇摇头，见她开了门，将手中的环保袋和妈妈包递过去。
“咁呢条毯我下次洗干净叫Ken带到拳馆俾你了！”笑雯接过，又指指女儿身上裹的这条。
“都得嘅，你早啲唞喇！byebye～”文强抿抿唇，拍拍她的背，和学礼转身回电梯口。
“唔好意思喔，害你连续两天洗车。”坐在汽车美容中心对面的甜品店里，揸了杯某人买的热可可，文强歉疚道。
“傻了，都唔关你事。”学礼啜饮了口鸳鸯，笑着道。
“琴日係唔关我事，今日关喈嘛！”昨晚是许sir同女朋友嗌交，咁啱他部电话最尾一个拨出电话就是之前嗌俞sir出去饮嘢的，俞sir虽然开始无去到，最尾都被吧仔call出去接人，又相当黑仔的被吐了一车，送了许sir返屋企，跟住洗车回来，又发现自己公寓浴室热水器坏了，出不了水，先过来借女友浴室一用顺便求收留。
“人哋都话我一表人才了，唔通拖手揸咩？madam～”学礼望住窗外的街道，若有所思。
“哎～人哋有老公了，你莫肖想了～”文强好笑地提了提他。
“有老公大势啊，我都有未来老婆啊～”说着学礼放低杯鸳鸯，就揽揽她条腰，卖乖道。
“我冇应承你啲乜喔～”文强忙转头澄清，自从上次在医院求过婚之后，这人就成日把这个挂在嘴边。
“反正你知我心里点惗就得嘅了！”学礼望着她认真接道，忽然上身就靠了过去。
“喂，冇靠埋来喇！”文强低声警告道，虽然是晚上，但都有咁多客人同店员，她才不要公开表演。
满意地看着她面庞绯红，睫毛频闪，害羞紧张又可爱至极的样子，学礼才伸出手指抹掉她嘴角的可可渍：“咁大个女仲咁论尽嘅～”又点点她鼻尖，“傻猪～”
“你好衰啊！”文强努了努鼻子佯怒。
“係啊，净係对住你衰喈～”学礼笑应了句，跟住牵起她放在台面上的手认真道，“今日我喺点字班，睇到好多嘢，之前，真係辛苦你了。以后我会生生性性，好好对你。”
“做乜无啦啦讲埋啲嘢喇～”听他在大庭广众如此郑重说话，文强不由有些扭捏，想挣脱他只手又挣脱不了，再看他一瞬不瞬的眼睛，想了想，复又板起脸警告道，“呐，你讲嘅啊，生生性性，下次你再乱嚟，像上次咁同第二条女揽到咁实，我当你係总部沙包咁样踢你入海啊！”
“呢个我应承你唔到喔～”学礼眼珠一转，跟住笑着道。
“你讲乜话？”文强不由瞪大双眼反问。
“如果底时我哋生咗个女，我梗係要帮手抱了，唔通戥你一个人似你同学咁辛苦喈～”见文强要发作，学礼忙解释道。
“我先冇你咁厚脸皮啊！边个要同你生啊！”文强又好气又好笑地放下杯子，“啪”地就给了他牵着自己的右掌一下，解放了自己的右手。
“哇，madam你咁暴力，下下郁手郁脚，除开我睇怕都冇人够胆接收你了～”学礼收回右掌放到嘴前吹着气，装可怜道。
“你仲讲係咪啊，仲讲我自己返去了！”好心陪他在这里等洗车还要被他气，文强想着对这种厚脸皮的人果然不可以太善良。
“你冇反面喇，你自己返去唔理我我今晚又冇得冲凉了，你唔係咁冇同情心吧？”学礼忙安抚她道。
“你呢啲人啊，冇得冲凉係报应嚟架～”文强翘埋双手没好气应了句。
“你又话要冲凉先可以喺你度过夜，你如果唔care，我都唔係咁care喇，反正宜家天都凉了……”学礼支支吾吾小声嘟嚷道。
“俞学礼！”文强气结，只得嗌他大名。
“好了好了，我唔讲住了，够钟取车了，行喇！”学礼起身拉她，她就拍开学礼只手，自己嬲爆爆走咗去。
作者有话说
第88章 再出发（三）
