87、再出发（二） ...
-
“Madam，係咪等咗好耐啊？”熟悉的灰色丰田驶近停低，朝人行道这边副驾驶座车门被车上的人推开。
“OK喇～”文强上车坐定闩门，除低背囊，跟住嗅了嗅，奇道，“咦，榴莲？”
“哇，你个鼻果然灵啊！”学礼好整以暇从后座拎过打包袋，“呐，益你嘅！”
“榴莲班戟，杨枝甘露？”文强拆开袋口，“哇，夜麻麻仲食哩啲，你想我肥啊？”
“乜喈，间甜点铺喺我哋点字班附近好鬼出名嘅，我咪惗住买嚟孝敬你咯！再讲你边度肥了，明明瘦咗好多～”学礼启动车子到前面路口掉头。他对眼好返之后就觉得她比原来瘦了一圈，前排晚晚上餐厅也没喂肥她，不知是训练辛苦还是没胃口，反正他是好心疼。
“係咩，我自己又唔觉～奇怪，头先雯雯都话我瘦咗～”讲是咁讲，文强对住至爱的榴莲也没客气，咬了一口班戟，果然味道不错，想想这个几惊榴莲味的人咁有心，她不由朝他甜笑一个。
“梗係喇！我用我唔知咩？”学礼想当然应了句。
文强怔了怔先反应过来，又是朝他膊头重重拍了一下警告道：“喂，你嘴巴放干净点啊！”
“喂喂喂，揸紧车啊，你冇咁猴急了，阵间返去随你郁手郁脚～”这头又叫自己双手揸车，嗰头又喺度搞搞阵，女人果然双重标准啊哈！
“边个要郁你啊，你讲清楚！”文强虎着脸伸手用力捏着他的耳垂厉声问。
“係我郁你我郁你，咁得未？”学礼连声道，终于氹定她松手，痛得龇牙咧嘴的他不由怀念起自己住院时温柔得拧得出水的文强，不好话他知这一世得返那两个月她先有咁温柔喇！
“你把口啊，同贱仁比得过了！”文强没好气嗔了他一句。
“咁我又净係对你一个人喈，同佢点同喇！”学礼小小声辩了句。
“咁你即係承认虾我了係咪啊！”文强探身过来逼问，差点整翻放在大腿上的杨枝甘露。
“Madam，我唔该你了，琴日啱啱洗嘅车啊～”看她手忙脚乱扶起外卖放到车前，学礼无奈道。
“我唔该你就真！”文强重重应了句，抽了纸巾抹抹裤子上的污渍。
“等阵等阵，停车喇！”文强忽然出声。
“乜事啊？係咪边度唔舒服？”学礼忙将车停到路边，转头问道。
“好似係雯雯架车～”文强将未食完的杨枝甘露盖好摆在车前，推门下车朝后走去，学礼见状也跟着落车。
“周sir？”文强试探地嗌了句。
“咦，madam？”在左前胎旁蹲低查看的周伟棠应声而起，见文强身边的人，惊喜道，“bob仔？”
“周伟棠？”学礼亦认出对方，上前笑着拍了拍他的肩，“点解喺度嘅？
“你哋两个识嘅啊？”文强奇道。
“係啊，我哋以前游泳队係一team嘅！”学礼转头解释道。
“阿强，你男朋友啊？”听到车外的骚动，笑雯也抱着女儿落车。
“係啊，我嚟介绍啊，我同事兼男朋友，俞学礼。我旧同学，郑笑雯，你叫她吴太都得，同埋佢嘅宝贝女，茹茹。”文强忙道。
“吴太你好～”学礼见笑雯抱着女儿不便，也不握手，只同她笑笑。
“俞sir你好～”笑雯扶了扶眼镜应道，又同文强小声说了句，“果然一表人才啊！”
学礼听了这句，很得意地朝文强撞了撞肩，文强没好气睬了他一眼，跟住说：“冇讲住了，你哋点解喺哩度嘅？架车坏咗咩？”
“係啊，唔知边度有问题，我check过又check唔出，喺度等拖车。”周伟棠用纸巾抹了抹沾了油污的手解释道。
“哎，一表人才嘅俞sir，介唔介意兜多阵路呢？”看看笑雯怀抱中已经睡着的茹茹，文强撞了撞隔离人的肩问。
“你话乜就係乜了～”学礼笑笑不以为意道。
“雯雯，不如我哋车你了。”起先上堂上到一半，笑雯老公阿Ken就急匆匆过来说有事先走，要周sir送她们母女俩回家，看他架车况，文强提议道。
“啊？唔係几好意思嘅～我搭taxi得嘅了”笑雯忙推辞道。
“使乜客气啊，师母～”文强玩笑似地叫了句，又道，“你都话佢一表人才了，俾佢个表现机会喈嘛！”
“係了，反正我哋都冇事，唔使客气嘅，你快啲上车了，夜晚风凉，因住bb冻亲。”学礼识相地跟住道。
“放心了，我哋两个当差嘅保护你，实把你哋安全送返屋企～”文强拍拍笑雯的背，承诺道。
“啊～咁我同茹茹就恭敬不如从命了，多谢阿sir同madam～”笑雯笑笑同二人道谢，又转身去拿座位上的妈妈包。
文强见状忙帮手拿过包，揽住笑雯又和周伟棠道，“周sir，咁我哋车雯雯返去，你喺度等拖车了。”
“多谢嗮，阿嫂madam byebye～”周伟棠目送女士们上车，又跟学礼互留了电话。
“俞sir周sir，下次再倾过喇！”把笑雯母女在后座安顿好，文强见柴科夫还在叙旧日情，朝他们喊了一声。
“就嚟～”学礼忙应了句，又拍了拍周伟棠手臂道，“咁得闲出嚟饮嘢～”起身回车上。
作者有话说
第87章 再出发（二）
