2、机会難再 失卻的机会 ...
-
回到教室，第一堂便是朱柏凌最討厭的數學堂，那肥腫難分的阿sir正在口沫橫飛，柏凌開始和同桌曹美女(客串：坪石大快活經理)聊天。
「好煩呀！我覺得最近有人偷望我呀！難道生得美都是一種罪過？」朱柏凌一面托腮一面輕嘆道。
「你咁都叫煩？咁我叫什麼好呀？追我既人由街頭排到街尾呀！」曹美女真是五十步笑百步，以她的尊容，簡直跟柏凌不相伯仲，一樣是極級豬扒。
「鈴~~」下課鐘聲響起。曹美女眼見朱柏凌步出教室後，便立即跟班中的頂級大喇叭馬充迎大談朱柏凌的壞話。
「喂！你知唔知呀？豬扒凌話有人偷望佢喎！哎唷~真係該煨囉！ 佢真係恨有人追恨到發燒呀~你知唔知佢話比我聽時個樣幾姣呀？真係超噁心呀！」曹美女一臉厭惡道。
「唔係呀？豬扒凌喎！又哨牙又肥，又孖潤腸，仲生臭狐添呀！頭皮又超多喎！講起佢個頭真係嚇死人呀！那一個唔知係咩年代流行既髮型，out到爆呀！成隻蒼蠅咁~ 唔該無鏡都撒泡尿照下自己個衰樣啦！ 有人會肯鍾意佢，除非係餓狗搶屎啦！」馬充迎十分落力地數落朱柏凌，就好像朱柏凌搶了她的男朋友Jacky般。
白裘基看在眼裏，痛在心裏，但表面卻裝作不為所動。他每次暗戀人都是這樣，不曾表露出來，以前暗戀邵家敏及其他女同學時亦都是這樣，但阿基所有送禮物的舉動，同學們都看在眼內，所以每一次阿基暗戀人，都會變得滿城皆知。而今次，由於女主角「臭」名遠播的關係，大家都十分關注此事。當然，五乙班的同學都是十分醒目的，他們都掩飾得很好，所以，阿基一直都自己為沒有人知道他的秘密。而大家亦等著好戲上演。
在快將打鐘的時候，阿基終於有所行動了！由於緊張而顯得蒼白的臉龐正在緊繃著，雙手因無措而只懂抓緊手中的公仔，使兩手開始泛白。當阿基看到柏凌的身影出現在門邊時，他急不及待的狂奔至柏凌的身邊，並伸出那被他捏得很皺的手提袋。而八掛及得閒的程度不下於馬充迎的梁小米在阿基剛步出教室，她便伏在門邊作偷聽狀。
「呃，朱…柏凌呀… 你看呀，這個吉蒂公仔靚…唔靚呀？」白裘基聲線帶點結巴及緊張。
「靚係靚，你給我看又如何呀？係啦！你又唔鍾意哈佬吉蒂，點解你會有…」朱柏凌不解、疑惑道。
「係咁既，我…家有好多嘛！」吐出嘴後才想起自己說了什麼，暗罵千萬篇自己記性真差，竟然連少少事都記不起，但現在想挽回已經太遲了。
「什麼？你屋企會有好多？唔係呀？我好驚喎！點解我唔知你屋企係哈佬吉蒂專門店架？下？」說後還大笑幾聲，真不愧是朱柏凌，果然是盛勢凌人，字字珠機，捉緊每個串人的機會。
「我…我…. 唔係呀！我…係咁既，上…個禮拜我行街見到個手偶好靚咪買左落黎囉…點…點知買左之後我先記得我係唔鍾意哈佬吉蒂的，又…唔知送俾邊個好，見到你咪…送俾你囉！ 」阿基開始手心冒汗地道出之前他一直排練的台詞，雖然有點兒結巴，但是還算可以啦！
「是但啦！橫掂平時有咁多人送野俾我！多一個唔多，少一個唔少啦~！咁我收左佢囉！」朱柏凌不知廉恥地一手搶奪那一隻哈佬吉蒂的手偶公仔，一甩頭便大步邁進課室。
躲在門邊的梁小米一早便抽身回到自己的座位，而門口發生的事她亦已經原原本本再加鹽加醋地告訴她諸位親愛的同學了，等到兩位主角回到自己的座位坐好都還不知道，所有同學都知道剛剛在門口發生什麼事了！而身為優等生及三姑六婆婦女會街坊委員會主席的肇瑪格正在強忍爆笑，轉身以一種平淡無奇、正經百搭的語氣，並頂著一臉的無辜詢問朱柏凌剛剛發生的事。
當然，朱柏凌並不知道其他同學已經知道方才發生的事，而當肇瑪格轉身問她時，她便以一種東宮得寵、但又裝作毫不在乎的語氣說：「沒有呀！只是白裘基得閒無事送野俾我之嘛！佢成日都係咁架啦~之前佢咪又係送野俾邵家敏~~」
肇瑪格不能忍受朱柏凌的遲鈍及姣勁了，頭一垂下便伏在桌上狂笑了起來。而附近的其他同學都極力忍笑著。而課室的另一角，白裘基灰心垂頭的嘆氣，坐在他前面的克納志關心的問道：「做咩呀？唉聲嘆氣的，發生左咩事呀？」當然，克納志只是假裝不知情了。
「唉！我真係失敗呀！講少少野都講錯，又口吃喎，佢實唔知我既心情啦！」白裘基一面懊惱道。
「咩事呀？究竟你頭先出左去做咩呀？」
「唉… 我鍾意左朱柏凌呀，不過你唔好話俾人聽丫！頭先我就係去送禮物俾佢啦！」阿基輕聲的敘述。
「原來係咁，但係追女仔唔係淨得送禮物呢招架咋~ 我依家o個個都係我用手段溝番黎架咋~!」
「咁…我應該點呀？」白裘基緊追不捨的問。
上課鐘聲打斷了阿基擔憂的詢問，而克納志則決定在午休時間過幾招給阿基。而陳Sir那陰陽怪調的聲音又飄入耳裏了…
作者有话说
第2章 机会難再
