《椰蓉芋头酥》榕泽

9、依然罗汉果姜 无理取闹

　　本身想煲罗汉果姜，因为前晚老豆送左猪小肚煲槐花米过黎，哩个汤好寒，爷爷又系只寒咳，果然，佢当晚到第二日咳嗽就严重左，之前罗汉果姜的功效全部被反水了。人都无离精神。话说哩个猪小肚煲槐花米，唔知老豆点搞噶，超级难闻，我本着不浪费的精神，想尽力吞落肚，但系，顶唔顺啊！！！于是倒左，对唔住老豆了，并且在微信暗示下次唔好再煲了，我地唔适合饮，请老豆煲点正常噶汤！煲点本地汤，显示下佢本地人的身份。结果老豆表示，佢从小饮到大！后来我去咨询爷爷，爷爷表示：你老豆氹细路遮！

　　哩个周末煲左两次罗汉果姜，爷爷无甘咳了~~~~~兼且佢乖乖滴饮晒~~~~

　　爷爷右肋骨下痛，通常又轮到我出场同爷爷讲去医院检查身体。
　　我：爷爷，去医院检查身体啦？
　　爷爷：我身体唔舒服，你都激我！
　　我心里面真的好无语！咩叫激你？我只系问一句都叫激你？

　　爷爷身体唔舒服，但系爷爷却唔愿意去睇。我同爷爷讲，我闺蜜佢地果边噶老人每年都会入厂检查身体。其实入厂检查，无乜野，就系去医院住住，有事医医无事出院。但系爷爷话：我自己识买药食，我自己识医自己！
　　我：爷爷，唔好再自以为事了，如果人人都似你甘自以为事，要医生仲咩？如果你滴药得噶，你现在就唔会唔舒服。兼且老豆又唔系无钱，佢又有资源，佢识张伯，张伯可以介绍好噶，有资历噶医生过黎。有甘好噶资源都唔用，咪噻晒？
　　爷爷：你老豆有咩好资源？（对于爷爷会锦样问，而唔系似以前锦拒绝，我觉得系松口去检查的意思，并且爷爷的语气平和，表现出佢无太反感。）
　　我话：佢识甘多博士，兼且有识张伯，肯定有啦！
　　之后就要说服老豆带爷爷去检查，响哩方面，老豆的态度太软蛋了！

　　我讲过唔再煲罗汉果姜，但最后依然煲比爷爷，结果爷爷将所有噶咳嗽源头推卸到罗汉果上，指责罗汉果甜，野到佢咳嗽！
　　无理取闹！
　　EXO ME!你每次咳成狗锦，我煲比你饮，慢慢饮到你现在唔点咳 ，结果你来指责罗汉果！并将佢咳嗽医好归功于止咳片，好，止咳片佢旧年十一月开始食，然后直至十二月都咳成狗，一月一同老豆争吵后，老豆先稳D治哮喘噶药比爷爷，爷爷咳嗽好左，之后无再食哮喘药。但系春节后（二月中），爷爷又开始咳成狗，咳得好厉害。我开始煲罗汉果姜，直至今日前后十次，有效饮用六次，直至现在，爷爷偶然咳嗽。如果爷爷噶止咳片有用，旧年十一月到十二月就唔会再咳嗽……果阵时咳成狗的可能系假噶爷爷。
　　我只觉得之前花心机去喂狗，我觉得好难过。爷爷仲叫我倒左杯罗汉果。但，锦样糟蹋人地心意，我觉得倒吧，无必要再留，以后都唔会再煲，爷爷甘了不起，聴佢自己搞掂。
　　佢好适合独活。