《椰蓉芋头酥》榕泽

7、只系过个清明 鞭炮哔哔啵

　　人啊，总系八卦滴，就好似清明拜山遇到微型山火，我同老豆仲有细佬拿拿声翻山越岭（也就是跨过个小丘而已），去凑热闹，最后细佬点评到——中国人，就是爱凑热闹……
　　清明那天，回程路上，我，爷爷，大伯，二伯一台车，可能车内气氛特别符合果句——有咩留翻拜山讲。于是，爷爷毫不犹疑的打开名叫八卦隐私电台频道，做起电台主持人，并且抛砖引玉锦——“AJ宜家稳到老婆未？”（AJ，老婆跟人走左佬噶亲戚，并且系跟有钱人走左佬，离婚时，个女跟老豆）
　　大伯，未啊，都唔知AJ搞滴咩，好少见到佢噶，通常个女跟住Q姨，Q姨退左休，得闲凑女。
　　爷爷，AJ2同AC两个都结婚好几年了，到现在都无细路噶！（AJ2同AC系同辈，分别，各自成家立室）
　　讲到哩度，大家都唔知点接爷爷，但爷爷仲系生冷不忌锦自说自话：唔同个女噶有问题？结婚前就成日流产搞坏左身体？
　　我有点顶唔顺爷爷哩种直癌男噶霖法，唔系，系完全顶唔顺：爷爷，边有你锦样随便怀疑人，有点咩问题全部霖到个女噶身上！
　　我心里仲有句：你就唔比问题响个男的身上？兼且，宜家养细路甘贵，佢地有钱养？
　　当然，我哩滴霖法都好大逆不道……霖霖就算了……不过，爷爷哩种思想，好多人都有，造就左不少悲剧！！！
　　车里气氛有点尴尬，我果然系冷场高手，幸好开梗车噶二伯出来接话：大佬，你地果边几时拜山？好似唔系行正清噶！
　　大伯：系啊，佢地通常唔行正清，通常就清明后一个星期咯。哩次，下个星期六去行。
　　二伯：你岳父系唔系去左西伯利亚做生意？
　　大伯：系啊，都去左七年了，肺病走噶。
　　突然，爷爷唔知霖到咩，问：锦果个B……
　　具体佢地讲噶野有点乱，大概就系围绕大伯岳父果边亲戚噶子嗣情况，展开的讨论。
　　大伯岳父果边，有个成年人（在父母眼中仲系细路），人好聪明，但系唔同人讲野，唔融入社会稳野做，每日就系训响床上，体书。另外一个细路，估计可能三岁左右，但是到宜家都唔识开口讲野，于是父母就送去咩针对性噶学校机构等培训翻学。仲有个，好似系聪明人，但系好早就走左。
　　最后哩个细路，我系根据大伯讲噶野推测噶，佢话：太聪明噶人，会被天收回去。
　　爷爷：你岳父果边后代都甘弱噶？
　　大伯：话真，有真系锦。次次去佢果度拜山，都落雨噶，放炮仗哔哔啵啵（意指细声），人地度都兵兵蹦蹦，就佢果度滴甘大声，难怪后代运势都甘弱。
　　二伯：可能祖坟风水唔好。
　　大伯：锦真系有可能啦！佢地果座坟山滴坟乱七八糟噶，我跟住佢地去，都唔知要行几多路，兜几多个弯，行到脚跛了，见到佢地拜，我就跟住拜，从来认唔出边座系佢地噶。果度滴坟又乱又多。唔似我地太公山噶，座坟起得有靓，周围噶坟都跟住围埋黎。
　　我唔太清楚大伯最后想讲咩咯，有咩好晒，有咩好对比噶捏？就唔担心围埋黎噶，会分运吗？
　　之后，回到屋企，又拜多次神，二伯切左乳猪，今晚带去酒楼炒。
　　坐在酒楼里，阿姨带左细佬翻屋企，得翻，我，大伯二伯老豆爷爷。成餐饭就围绕如何食肉展开——
　　从木棉花煲水蛇祛湿，老豆就打算同L哥（真心觉得系老豆好基友！）买十斤水蛇来煲汤。但被大伯吐槽佢，又唔识搞，又浪费。毕竟煲个汤，自家饮，你要十斤水蛇？
　　再从点样处理水蛇到如何劏水鱼……再聊到买老豆想买质量好的猪肉同排骨比爷爷，结果，嗯，唔使霖到知，爷爷会拒绝，爷爷一向觉得自己选的系最好——果然，佢拒绝完，下句就系，你唔识买，我先识买！
　　之后老豆马上推介钱大妈，一号土猪肉等知名牌子。
　　大伯同老豆响哩方面颇有心得共鸣，就话：系钱大妈几好嘎，老豆（大伯的老豆系爷爷），果个番薯婷都唔错。
　　好的，这些都系居家买菜的好男人，佢地之间的买猪肉哪家强噶激烈讨论，我同二伯系参与不了。二伯兴趣缺缺望住佢地，我兴趣浓浓锦整自己上班饭盒……烧肉，海参，菇菇……