8、事发突然 ...
-
“你去咗边呐？”文强开了门，原本坐在沙发上的人立时紧张地蹦起冲上前道。
“我返围村喈嘛。”除低背囊未交到他伸出的手中，只是放低于玄关的白色立架上，文强淡淡道。齐妈年前就被亲戚叫返乡下帮手做嘢，祖屋的租金得返文强自己跑一趟了。
“咁我打你电话又唔听！做乜唔等我返嚟陪你去喈？”这两日自己去外岛训练，她也排休放假，点知一返到屋企就唔见人，打极电话又冇人听，想起持续到出发前的冷战，学礼不知几担心。
“我自己有手有脚，使乜要你陪？”文强并不看他，径直行到厨房斟了杯水饮。
“Madam，我唔该你话我知你究竟嬲咗啲乜得唔得？你宜家唔係净係得你一个人，你嬲我又好，点都好，都莫唔听我电话啊，我会担心，会惊你哋出咗乜事你知唔知啊？”学礼跟了入厨房，面容忧虑苦口婆心道。
“係啊，我知，我宜家有咗个bb，所以令舍唔同，应该七乘廿四咁时刻同俞sir你report我带咗你嘅bb去咗边度，做咗啲乜，啱唔啱？”文强斜眼瞪了他一下，带着些微怒气道。
“你明知我唔係咁嘅意思……”学礼低头皱眉纠结道，一眼又瞥见她陀住的肚，费事撩起她把火，终是好声好气道，“好了好了，头先个房产经纪call我话有几间房啱嘅，我哋听日去睇楼了好唔好？”文强这间公寓本就是单身人士用的小格局，近排买的BB衫裤都快占满她衣柜了。叫她搬到自己那边住，话嗮地方大些，起码摆得落张BB床，她又唔肯，咪只得托人搵房了。
“我冇话过我要睇楼喔，你要睇你自己去~”揸住水杯又返玄关拎了背囊，文强往卧室去。
半推半就，文强终是被学礼拖了来看房。
“俞生俞太，呢间房坐北向南，光线同空气都几好，啱嗮孕妇同bb嘅了。仲有，隔离街嗰间幼稚园都係名牌嚟架，住喺哩度，底时bb返学都近啲……”房产经纪滔滔不绝。
文强只是默不作声的四围走走看看，连经纪唤她“俞太”都未反驳。学礼见她反常的心事重重的样子，又是不解又是心痛，只得简单应酬经纪几句，话迟啲先做决定。
两人同房产经纪入咗lift，梯内的住客看到文强的身势，都往内让了让。学礼同他们笑笑点头道谢。
经纪又打开文件夹摞出下一处房产嘅资料，跟住接起电话，“係，钱生，你嗰几间房我放出去了，暂时未有人话要睇喔，係啊，冇咁快嘅，迟啲有人睇楼我先联络你啊~”
“阿强，头先呢间房你点睇？”学礼一手扶在文强腰后，低头征询她意见。
“嗯？”文强愣了愣，待见到学礼的脸出现在自己眼前，方意识到他在同自己说话。
“我问你头先间……”学礼还未说完，突然电梯一阵震动，文强下意识就抓紧学礼膊头，跟住外头传来呼啸的火灾警钟。
“阿礼，走火……”文强瞪大对眼惊恐地望住学礼，瞬间连呼吸都急促起来。
“冇惊，有我喺度，唔会有事嘅……”学礼忙搂紧文强，一路轻拍她背脊安慰，一路掏出手机即刻拨999。
这边梯内的住客已在不停地按电梯紧急按铃，有的在不停拨电话，可是不知是信号问题定係乜，电话就无一个人能打通，按铃更是没有应答。
“唉呀，点算啊，点会无啦啦走火嘅？我阿妈喺医院冇人睇住啊，我唔死得嘅！”拎着个保温桶的后生女哭着道。
“我今日啱啱收到offer，唔係咁黑仔噶？”戴着黑框眼镜揸住公事包的西装友嚷嚷着。
“囡囡仲喺屋企等紧我啊，冇人放佢出嚟，佢会唔会有事啊？”揸住感冒药水，头发扭成髻的年轻师奶乱成一团。
“奶奶琴日啱啱扭亲，朝早都仲係行唔到，点算，点算，奶奶你唔出得事嘅啊！”拎着环保袋和手袋的中年妇女喃喃道。
“大家冇咁惊亲，消防局一定会派人嚟救我哋，大家定啲嚟！”学礼强自维持镇定，一边轻拍怀中人，一边高声道。
“阿礼，lift喺六楼，你估我哋有冇办法开到嗰门？”在学礼的安抚下逐渐平定心情的文强，抬头问道。
“你想试下？宜家唔知喺几楼走火，如果出去就係火灾楼层……”于四周围的饮泣声中，文强的眼眸特别闪亮。学礼面色铁青紧皱着眉，不愿想象这骇人场景。
“但係，如果我哋唔郁，唔知仲要韫几耐，火烧起上来，氧气都会愈嚟愈少，唔搏可能所有人都会死喺度……”文强急促道，“试下好唔……”一语未竟，电梯忽得又震动了一下，所有人都不约而同惊叫。
“你信唔信我？”等电梯再次停止晃动，学礼抬头望望，跟住问怀中人。
文强一声未出，只坚决点了点头。
“我唔会俾你哋有事。”学礼在她刘海上匆匆印了个吻，又定定望了她一眼，似将她深深印入脑中。先松开她，跟住拍拍房产经纪跟个西装友，召集壮丁尝试徒手撬门。奈何缺少工具，电路又关闭，试了许久，道门终是纹丝不动。学礼又让两人搭成人梯，他攀上去打开电梯顶盖爬到梯顶，迎面而来的是闷热的气息，四周除开电梯厢门就是墙壁，均找不到出口。就算他能顺着已是微热的电梯绳缆爬到顶楼或是底楼，其他人想必都好难，尤其是操身大细的文强，自己更不敢让她冒这等风险。
爬回电梯内，见学礼抿唇摇摇头，众人不由颓废沮丧。这时出边隐隐约约传来人声，“lift入面嘅人听住，我哋係消防员，宜家嚟救你哋，你哋冇惊，都冇乱郁，我哋已经撬紧门了。”绝处逢生，诸人不由热泪盈眶。
又过了五分钟的样子，电梯门先打开，原来经过两次震动，原本停在六楼的电梯现在夹在五楼和四楼中间，露出的空间一次只得一个人通行，外面烟雾并不大。消防员跪在地上将手伸向他们，这种情况梯内众人毫无异议，女士优先，大肚婆尤甚。学礼先抱住文强的下半身将她送上去，一面对住消防员道，“佢係孕妇，麻烦小心啲。”看文强安全上到地面，男士们跟住又将个中年妇女、年轻师奶同后生女托上去，然后轮到西装友，他揸紧公文包攀着房产经纪同学礼的肩狼狈地爬了上去，房产经纪让学礼先，学礼笑笑话，“马生，我係差人，你行先。”将他送上地面，学礼才要伸手去抓消防员的手，点知梯内忽得又发生震荡，连梯门都关上！
作者有话说
第8章 事发突然
