17、依旧日常 ...
-
上完堂时间还早，咁啱附近的bb用品店在妈妈教室派coupon，两人索性到店里逛一逛。
“老婆你睇，好得意喔~”学礼拎了件粉黄色鸭仔图案的裙仔冲文强道。
“哇，你唔好唔记得肚里面嗰个係仔啊，你唔係要佢似你细个阵着女装噶？我唔俾嘅啊！”文强想起在奶奶家相册中看到的身边人幼时被家姐整蛊穿女装的照片，同他抗议道。
“乜喈~”听她提起这单嘢，学礼扁扁嘴，跟住放低裙仔凑过去双手搭上她条颈调戏道，“今次係仔，话唔定下次就係女呀，我哋唔係要生够一打嘅咩？”
“今次仲未生就惗住下次~”文强没好气瞥了他一眼，复又勾起他下巴，应了他一句，“要生一打你自己生！”
“我点生喈，我一个人几劲都生唔出喔！”学礼一样勾了她下巴，顿了顿复又笑着故意道，“定係……你要我同第二个女人生？”
“你敢！”文强立时板起面孔瞪了他一眼。
“咁你同我生一打好唔好嘛~”学礼撒娇道。
“我~唔~制~”文强摇摇头一字一顿道。
“先生太太，有乜可以帮到你哋？”sales行过来问道。
“唔该你摞件佢嘅尺码嘅呢条裙俾佢啊！”文强指指头先学礼放低的鸭仔裙，同sales故作正经道。
“嚟，睇住。”冲完凉，学礼扶着文强踏出浴室。
“我自己行得喇！”文强撇开他的手，自觉虽然7个月大的肚比起之前是有小小不便，但都未到行唔到的地步，偏偏这人就爱跟进跟出。
“唔係话你行唔到，但都要小心啲喈嘛！”学礼照旧扶上她的腰，等她坐在床边，跟住自己蹲低，掀起她的睡衣下摆。
“喂，你做乜啊！”文强忙拍开他的手，过了稳定期，有些事可是不能拿来开玩笑的。
“Madam，惗住帮你擦药膏喈嘛，你唔好惗埋隔离啊！”学礼晃晃手中的消减妊娠纹的药膏，同她解释道，跟住又是去掀她的珊瑚绒睡衣。
“都话我自己嚟得嘅了。”文强又是拍开他的手，跟住去抢他手中的药膏。
“做乜喈？宜家个肚咁大，明明就唔係好方便，做乜死撑啊？係咪要我同阿妈投诉你冇乖乖听话啊？”学礼伸长手臂才不让她抢到，头先冲凉都让自己帮手，现下抹药膏点解又唔得，看她明明擦拭隆起的腹部下方都好吃力了，他如何忍得住翘埋双手唔理啊！
“俞学礼，你好嘢！够胆笃我背脊！”文强见抢不到药膏，狠狠瞪了他一眼，不悦地嘟起嘴道。
“係，但都要有人唔听话我先有嘢笃喈嘛！”学礼见她不再乱动，索性坐低在木地板上，挤出药膏帮她细细擦起来。
见往常的撒娇威胁不顶用，文强无奈就范，看他仔细帮自己擦药膏的样子，忽又迟疑地嘟嚷道：“我宜家……係咪好丑样啊？”
学礼闻声抬头瞥了她一眼，若有所思，却没出声，只是低头继续手里的动作，直到把该抹的地方都抹了，才帮手拉好她的睡衣裤。虽然开着暖气，但她万一冻亲又唔食得药，令舍辛苦，万大事都是小心为妙。拧好药膏放到一旁，他才坐到她身边，抿了抿唇，执起她的手认真凝视她笑道，“老婆，你唔好唔记得你係飞虎之花，以前係，宜家都係，以后都会係。陀bb嗰啲纹，我知，大肚婆都会有，老实讲，我唔觉得丑样，我觉得，呢啲纹就好似你同我身上因为training留低嘅疤一样，係种印迹，证明我哋经历过啲乜，係同别人唔同嘅，都係别人睇唔到嘅。如果唔係你要擦啲药膏，我係唔care嘅，都唔会惗到要嚟擦。不过我知，你都贪靓，擦咗药膏方便以后着泳装喈嘛！但你要记得，无论有冇呢啲纹，我都一样爱你。”学礼顿了顿，复又凑近她动情更正道，“唔係，因为呢啲纹，我会爱你多啲，因为次次睇到佢哋，都提我你呢排有几咁辛苦。”
“俞学礼，点解你呢排咁识得讲嘢啊？以前都唔觉嘅～”听了他这一长串，文强不可谓不感动，拍拍他面颊调侃道。
“係啊，有嘅说话我净係对我老婆讲嘅，以前你都唔係我老婆，梗係冇机会听了～”学礼覆于她耳边调戏道，复又拉起她，“好了，够钟落楼饮糖水了，再唔落楼阵间mummy又要上嚟捉人了。”
作者有话说
第17章 依旧日常
