14、拉埋天窗 ...
-
虽然话文强现在五个多月，个胎都算好稳定，但都费事她太辛苦，两人的婚礼搞得简单而隆重，除开两边家人，净係邀请咗最亲近的亲戚朋友。新娘操身大细冇得整蛊，所以新郎自然是要辛苦啲，班手足嚷嚷着无咁易俾佢摘咗嗰朵飞虎之花，不知灌了学礼乜鬼酒，穿着高腰礼服遮掩住个肚的文强应酬完女方的宾客，由慧慧陪着回到主桌，就见老公苦着脸行过来。
“乜事啊？”见他坐定，文强覆于他耳边细细声道。
“你哋班学员，真係对我呢个教官令舍唔同啊，唔知边个拎咗只黄连酒倒入我只杯度。”学礼皱着眉恨恨道。
“哇，佢哋都好有你心嘅喈，你估黄连酒咁易揾呐？”文强闻声，不由噗得笑了一声，惹得苦主一瞪，她先敛容转头同身边的慧慧讲了句什么。慧慧依言点点头起身，无几耐返嚟，从和礼服配套的手袋中掏出什么从桌下递了过来，俞太接过，拉低老公右手，剥了一粒放入他手中。正大口嚼着老婆头先帮他留的鲍鱼片的俞生低头，用眼神询问身边人，俞太眨眨眼，俞生遂将手中的嘢放入口中，原来是芳香浓郁的牛奶糖，甜味都冲淡了满口的苦涩，不禁笑开了眉眼。俞太跟住将剩余的糖果放入俞生礼服裤袋，拍拍袋口轻声道了句：“自己执生。”
“得了，多谢老婆。”父母上司都在同桌，不好放肆，学礼拉拉她只手回以甜笑聊表感谢。
未婚夫话要等天气凉啲先办酒注册的未来庄太看到两人互动，也算放下心头大石。讲真佢咁快就回转心意话要结婚，她都不由有小小替好姊妹担心，是否俾人逼迫。不过庄生就话，无人可以逼到苏小姐做乜决定，就算佢嘅好巴打、madam So嘅偶像A team阿头都难。他又话，不过bob仔都算了解苏小姐心意嗰只，否则佢嘅畏高睇怕宜家都未能克服喇！
机场
放了婚假陪了阿爸阿妈同大佬周围去的细俞太，都终究要送佢哋返去。
“囡囡，睇住啊，有乜唔舒服就多唞下，冇死顶啊！”苏妈拉过女儿只手，不放心地叮嘱道。
“阿妈我知嘅，你照顾好自己先喇！我都唔知几好，仲有阿礼，佢会睇住我同bb嘅。”文强乖顺地回道，又顶了顶身边人。
“係啊，阿妈，我会好好照顾阿强，你身体唔好冇担心我哋了。Mummy都book好咗月嫂，底时阿强生咗，都有人睇住佢，你唔使忧。等bb大个啲，我哋会过去探你嘅。”学礼一手揽在文强腰际，安抚外母。
“囡囡，唔使惊，有乜唔妥即刻同大佬讲，知唔知？”苏哥瞪了妹婿一眼，同细妹柔声道。
“得喇，我哋都会好好嘅～你顾定阿爸阿妈喇，阿妈嘅晕机药你收好喇！”面对年长自己近十岁，照料自己成长岁月的大半时间，直头当自己是半个女的兄长兜口兜面“恐吓”妹夫的行为，文强哭笑不得，只得牵起嘴角应承他。
“係啊，大佬，你放心，我会睇住阿强嘅。”学礼挺直腰板承诺道。
“你最好记得自己讲过啲乜，囡囡有乜头晕身热，我唯你是问！！”苏哥对住他都是没好气，语气严正道。
“阿强係我老婆，我自然唔会俾佢有乜事了。”学礼坦荡直视他眼眸，坚定道。
“得了，阿弛，够钟入闸了。”苏爸出声制止了长子，又拍了拍女婿肩膀，肃声道，“阿礼，好好睇住佢哋，我同阿弛下次再过来。”
“係，阿爸，我会嘅。你哋多保重。阿强，你哋唔使担心，佢同bb都会好好嘅。”学礼同丈人郑重承诺道。
“阿爸，你自己小心血压，莫食啲太油太肥嘅嘢喇！”文强嘱咐着苏爸。
“得了，长气，要做人阿妈了，唔好咁任性知唔知？互相扶持！”苏爸拍拍她挽住自己的手掌，语重心长。
文强抿抿唇点点头，同父亲笑笑。
作者有话说
第14章 拉埋天窗
