《Ｊｏｕｒｎｅｙ》幽零魅影

4、 JOURNEY---------第一站，南京（4）

　　原来前一篇我仲写漏左，中午噶时候，我地搭小火车~小到可以去cos变形火车侠……上到灵谷寺（MS姑姑/GUGU经常会读成灵隐寺……拜托……灵隐寺系杭州啊……）不过一入游区就闻到一股恶臭~~属于真魔国噶味道啊啊啊啊啊啊~！！！！！

　　因为本人记性比较差噶关系，原来无良殿…呃…系无樑殿，原来系灵谷寺里面，不过系入灵谷寺之前，我地MS经过一个卖野食噶地方，食左一碗好多麻油噶素面（真系比较“素”，应该叫斋面，因为只有几条切丝噶蔬菜……）仲有2旧冻冰冰硬到可以掟死狗噶桂花糕……素面味道都仲可以，桂花糕就真系…… 不过最恶心都系果撇凉粉，本来上午食左好好味噶凉面所以印象大好，霖住应该凉粉都5会难食得去边，谁知呢度D凉粉完全5似广东果D感爽口，稍为打算捞匀小小D配菜就已经将D凉粉搞到一撇“野”甘（我发誓，绝对5系因为我地系搅拌过程中耍流氓噶关系……）

　　不过由灵谷寺落来噶过程中，我路过一间食野噶类似广州大排档噶地方，里面仲好似有个类似士多噶柜台，我行埋去一睇，哇塞~~！！！！！有一桶来一桶啊！！！无错，系一桶啊！！！！KING SIZE噶来一桶啊！！！个桶仲大过“外带全家桶”啊！！！（好大啊~！！！好想要啊~！！！不过碍于小阿九我儿系旁边怨念噶目光之下只好打消呢个念头啦……5555……我个KINGSIZE噶来一桶……）

　　我地行翻落山脚然后搭翻小火车过明孝陵，不过其实都系差5多噶景，神道2边有好多动物石像，我地班屎忽鬼系度左影右影，屎忽鬼Angel仲要爬埋上去……

　　不过讲到影相，我不得不怨念一下，呢度实在太多“皇亲国戚”系度“が”镜头，顶死距，叫距“借借”“让一让”“Excuse Me”“すみません”都一于少理，激到大小双黄不断爆发，连一向懒懒闲噶睡仙都忍无可忍，证明果D跟团带红帽噶民工□□几无品~ NND……

　　不过南京大屠杀纪念馆无开真系可惜，5系我地成班屎忽鬼，一定会指住个资料牌碎碎念，“哇~呢个系历史书上见过”“哇~老师有讲过呢个~”，就好似我地寻日系总统府甘……（旁人：这群女人真是聒噪…丢不丢人啊…）傍晚，我地去酒楼试试果个38/位噶秦淮12名小食，2个人一份，结果我同GUGU一齐，不过真TMD奇怪啊D味，好食果D我地系其他地方已经试过，5好食果D，试试就算了，食完呢餐先5点几，大家决定先翻旅馆，夜D再出去稳食，不过我儿PENPEN话距好耐无食水果，想买蕉食，于是我地两个就屎屎忽忽甘出左去啦~与此同时，Angel要去会会距噶南京网友，阿彧同朱家2位小姐去左觅食~剩低GUGU同佟佟留低系度打UNO（我地带左好多赌具来，扑克，麻雀牌，UNO乜都有……）

　　系附近市场买完蕉，我地翻到旅馆，加入UNO行列，此时睡仙飞短过来问我地“食5食龙虾刨冰”，各位注意，呢个系距短信原文，事实上睡仙想问我地食5食龙虾同刨冰，不过懒人就…自然字都懒打…你知噶啦~~广州人~~摆得落口都够胆食~~有好野当然第一时间要试试啦~~~不过就系呢个时候，之前讲过噶小猫们出现了……当我地打ingUNO噶时候，只大猫就一直虎视眈眈我地D可爱噶蕉蕉，呢个都5算，当睡仙同各位大小姐拿住果袋香喷喷噶香辣龙虾翻来噶时候，猫咪出动了，距一跃跳上沙发，步步逼近我地噶龙虾，本来打算摸摸距然后叫距行开，点知距眼都5眨一味望住我地袋龙虾，呢个时候，旅馆噶路人甲工作人员系我地旁边飘过，无意中爆左一句“这猫很脏的，大家不要碰了，它今天早上才吃完一个老鼠头……”

　　接下来噶惨状大家可以自行想象了，首先系一群女人惊天动地噶尖叫+鬼吼~然后就系拿起D食得噶野远离果只猫，同时施毒手攻击只猫~我地搬完一次又一次，不过只猫都系目露凶光死咬住5放跟到实一实，TMD……我地逼于无奈之下惟有向工作人员求救，先幸免于难，于是8个人用狂风扫落叶之态势扫清袋龙虾+2碗刨冰以及黄大小姐拿翻来噶鸡同蛋糕。（都好好味啊~~ ）

　　不过就系呢个时候，朱小姐开始流鼻血了，而且越来越严重。

　　“喂，你无野啊嘛？”“点啊你？”“敏敏快D打去问你妈咪点算啦~（距老妈系医院捞di……）”

　　结果我地鸡手鸭脚感帮朱小姐冰敷左一阵，然后黄小姐冲出去买止血噶药翻来，食左药先好翻D，据说，系因为南京气候干燥，加上朱小姐鼻比较脆弱，所以微血管爆裂，差D流血不止。好在总算无事~~

　　所以今日都总算离奇古怪噶一日，龙虾真系好好味……好啦~~南京第二日终于结束~~~听日去埋紫金山天文台就会离开南京啦~~贫穷死死团~~收拾行装~~~准备出发~~~！！！