《[飞虎同人/礼强]原结局替换版之派个便当俾师妹》粉岭总部清洁阿婶

2、第 2 章

　　学礼醒来的时候，映入眼帘的是白色天花板，想起身却起唔到。转转头，左右都是医疗仪器，加埋自己手上的注射管，脸上的呼吸罩，他想，自己应该是入咗ICU。
　　原来要死都不是那么容易，但是，点解她会那么轻易就死掉？英国冇去到，后尾再去探监，家姐问起自己中意嘅女仔，自己都唔知要点答。话自己累死咗佢？如果嗰日自己勤力啲，去madam屋企楼下车佢，或者就唔会发生咁件事，或者可以发现杜天宇行踪，至少可以第一时间上到madam屋企，早啲发现佢被人掳走咗，唔使兜咁大个圈。如果嗰日收到madam嗰条转地点嘅S/MS，自己醒小小，或者都可能救返madam条命。
　　事情发生到宜家也都快半年了，总部都嚟咗新嘅supportting，A team也入咗新嘅队员，但自己仲係忘唔掉件事。如果知杜天宇会嚟报复，自己应该要醒定啲，一係同madam保持距离，但嗰阵正帮佢加操，睇怕好难。一係一早同madam表白，等佢接受自己，跟住将佢睇得密密实实，唔俾佢因为自己嘅缘故出事。但边有如果喈？自己嗰时怕丑、怕尴尬，硬係坚持同佢得返兄弟情，却惗唔到连窥视自己嘅犯都可以睇得明自己对佢嘅情愫。
　　上个月喺PC吧happy hour时，星仔突然冒出一句，下礼拜是madam生日，跟住成班人咳嗽的咳嗽，大声讲笑的大声讲笑，跟住贱仁起身招呼大家去打桌球。惗返起旧年帮佢过生日，都几sweet啊，切蛋糕，吹蜡烛，后尾佢一个人唱女声，全team人轮流同佢对唱情歌，轮到自己时係嗰首《固定伴侣》，啲歌词自己都几中意喈，“分享几多岁，会变固定一对伴侣；爱到哪样长，才会承认不可失去；平凡亦有情趣，才能天天相对，然后终于变得登对……”原本以为，做同事，就算佢唔冧自己，大家都可以分享以后嘅光阴，日日吹下水，偶尔陪佢返一次围村自己都心满意足了；却原来，看似从未开始过嘅一段自己已经觉得难以失去。
　　Sorry啊madam，或者我根本唔应该帮你克服畏高，咁你都唔会递申请表，唔会加操，后尾，或者就唔会出事。学礼混混沌沌地想着，终于又昏睡过去。