《[飞虎同人/礼强]原结局替换版之派个便当俾师兄》粉岭总部清洁阿婶

5、第 5 章

　　食过早餐，文强执了执屋。忽然手机响起，原来是齐妈的电话，问自己今日返唔返围村，返嘅话就煮埋自己嘅饭餸。惗下时间又过咗一个月，是时候返去收租了，唔知后日开始学员训练后会唔会好唔得闲，文强便应承齐妈今日会过去食午饭。
　　换了外出服，拎了背囊手机就走。其实好耐无自己一个人返过围村了。自从班手足认识叻sir之后，都是学礼陪自己返去的多。话是话中意齐妈的饭餸，宜家惗返，都唔知佢是乜目的了。再无人顺路车自己返去，都是搭小巴得嘅了。
　　坐在老位置食饭，文强记起头一次学礼车自己返嚟，四个人都在饭桌上的场景。那时齐妈还讲笑，他也依然坚称两人只是同事。其实时间都无过几耐，但如今，食饭的得返两个人了。
　　叻sir入咗监，成日都一个人食饭的齐妈，以前都几盼望文强同学礼一起返嚟，话嗮多个人食饭都热闹啲，但佢都睇到新闻，嗰个成日帮自己手嘅热心男仔，俾个犯捉咗去，折磨致死。原来，好人不长命是真的。都唔知嗰男仔係咪真是对阿强有意思，定係单纯当她是同事。自己当时是觉得他们几登对，但现在想想，又庆幸他们没有行埋一起，否则，阿强不知道要多伤心。
　　饭后，帮齐妈换了坏掉的电灯胆，修好松了橡皮的水喉，文强一个人喺村里四周围行下。田少俾拉咗之后，村里总算安定下来，又回返自己细个阵嗰种宜居嘅感觉。从前和学礼返嚟，自己也不时会跟他提起童年旧事，譬如自己曾经跌入的水塘，发大水时会淹到人脖子的小桥，跟阿齐一起捉迷藏的秘密基地，最开心大佬带自己去买零嘴的士多，有时他会静静听，有时附和两句，话家姐都很锡自己，当然也少不了嘲笑自己细个阵被狗吓亲之类的囧事，自己没好气地瞥他一眼回敬一句上次阿源不是仲衰，最尾跳到化粪池里避险，跟住两个人对视之后，都齐齐转移目标笑起sniper。
　　回程的小巴经过立交桥底，看着窗外的景物，想起有个人曾经在这里跟自己诚心道谢，话自己救咗他一命。但原来，最尾他都是要走的。祝你，在天上，在浩园，安好了。

作者有话说

　　“叻sir讲嘅冇错，你今次的确好英勇，係值得表扬嘅。仲有啊，你今次救咗我，我都未正式多谢你。多谢你，Madam。”
“哎~讲埋啲衰嘢做乜喈？兄弟嚟嘅嘛~”