《[飞虎同人/礼强]原结局替换版之派个便当俾师兄》粉岭总部清洁阿婶

3、第 3 章

　　终于过完selection最尾一关，初初并肩作战的数十人，到此时留低的未够10个。听到考官公布的名字里有自己，文强终于定下心来，累得几乎想就地瘫倒。之后有三日假期调试休息，跟住又是严酷的学员训练等紧自己了。
　　阿源近展sir多，率先收到风，第一个打来电话贺喜，嗰时文强喺小巴上已经累得昏昏沉沉快要盹着了。同佢讲咗多谢，但自己好攰，迟啲先倾，挂上电话又最终都瞓唔到。阿源成日讲啲金句里，有一句就是：要正常去做保安，做飞虎都是唔正常的。虽然自己也试过放紧假俾call返嚟做嘢之类，但这次遴选，真正走到最后，先体会到乜嘢谓之不正常，实在是消耗体力到极限。
　　在家埋头苦睡了一日，madam So先识得起身医肚。调静音的电话上都是班手足的留言同祝福短讯，留言就不复了，短讯逐条回过去，多谢嗮。阿源最尾嗰条话大家预备帮她搞个party，喺PC吧热闹返场，问几时有时间，文强惗下择日不如撞日，就话今日都ok，跟住收到他回复，话乜嘢都唔使佢搞，晚上准时到场就得。
　　落了碗面坐到沙发上自己食，一个人嘅屋企其实又几静。上礼拜阿妈打电话返嚟，又提自己年纪唔细了，是时候拍下拖，唔好成日挂住做嘢。当时她看着电话边相架入面，大家上次喺展sir屋企烧嘢食的合影，想着相中站在自己隔离的那个人，心里闷闷的说不出话来。原来当时bob仔把口咁衰，是在静悄悄呷醋。
　　食咗几啖面又觉得冇乜胃口，大概饿过头係咁吧。揾返从考场带回来的背包，文强将啲污糟衫裤掷入洗衣机。执好嗮背包啲嘢，将那只药酒都拎出来，放到桌子上。其实自己最尾都无扭亲了，但仲係带住药酒，好似有人冥冥中会庇佑自己一样。

　　PC吧，都是固定嘅位置，都係嗰班老友，但今晚的主题却是特别不同。终于pass selection，班手足同文强饮杯，跟住个个都要灌佢酒，预咗喇，来者不拒，佢都唔惊，话嗮喜事嚟架。等班友仔放过自己，文强坐到吧台前的高椅上，Pauline姐帮旁边的客人买完单，都行过来恭喜自己，跟住话要以后千万要小心。佢笑笑应承长辈的关怀，其实已经有小小醉，只想一个人静一静。
　　“Madam……”
　　听到隔离有人叫自己，文强回转头，原来是轩仔。
　　“你冇嘢吧？”轩仔关心问道。
　　“冇事啊……”只是有小小头晕。
　　“上次同你讲嘅事，你……唔好摆喺心度喇。我见你呢排都好少笑，係咪我讲错嘢，令到你唔开心？”轩仔将啤酒瓶摆在一旁，静静坐了一会儿才开口。
　　“冇呀，我冇唔开心，你惗多咗喇！”文强带着三分醉意回应佢。
　　“其实，阿礼……人都唔喺度了，上次係我多口，其实啲嘢应该由当事人去讲先至啱，佢无讲到，或者都係佢觉得时机未成熟，或者係……机缘未够，我自把自为，真係……”轩仔一时语塞。
　　“轩仔，你惗多咗，我真係冇事，我都真係当阿礼係兄弟……我呢排少笑係因为加操好攰，你唔好惗咁多嘢喇！”文强转了转身下的高椅，跟他面对面坐，诚挚道，看了看手机，又道，“係了，时间都唔早了，我都係时间返屋企了，你哋慢慢喇！”说着她摆低酒瓶下了高椅，同打桌球的诸人打了招呼，背起背囊离场。
　　可是擦身而过的时候，邱sir分明睇到，madam眼眸中有什么晶莹闪动。