1、第 1 章 ...
-
PC吧
“可惜未能打爆杜天宇嘅头！”bob仔仲喺度惋惜白天自己的行动失误。
“离得咁远都可以打爆油箱，bob仔，你叻喇！”新人咁威水，老鸟贱仁都不得不心悦诚服道，话嗮佢揸住嗰只根本都唔係狙击枪，如果佢嗰时留低喺sniper team，或者佢哋呢班老鸟都冇定企了。
“虽然水警未捞到佢哋，但係油箱爆炸喔，睇怕都係做定咸鱼喇！”阿源跟住分析到。
“今日阿礼真係表现得几好，梁sir都话明赞你！”帮完阿妈搬嘢嘅阿头摞住只冻啤酒现身，坐低道。
“哇～阿礼，哪～全team人出动展sir净係赞你一个，你识做喇！”掌门敲起边鼓。
“係～今晚任饮任食，全部入我数！”俞大少豪气地拍拍胸脯，全team人都欢呼。
“喂，你巴闭喇！”看俞大少都饮到啤啤乎，文强走过来坐低，揸住酒瓶同他手中的碰一碰。
“Madam，底时你都得嘅！”学礼满脸笑意道。
“承你贵言哪！”想到来紧的selection，文强不免期待又紧张。
“係咯，下礼拜六我唔得闲，要去睇我家姐，加操改喺下礼拜天得唔得啊？”想起又到探监的时间，学礼忙问道。
“好啊，我都得嘅，就你几时方便啊！”自己体能就算喺女仔入面算叻，但其实都唔够班男仔嚟嘅，都係多得学礼帮自己加操，体能王果然名不虚传，操练方法都几pro。
“喂喂喂，你哋睇阿礼同madam又喺度讲悄悄话喇，你哋话，佢哋真係冇嘢？”打完一局桌球的贱仁揽住星仔阿光掌门几个围观。
“我原本以为展sir怕丑，估唔到阿礼都係，你哋睇我哋有冇必要整蛊下佢哋？”星仔闲闲整了整发型，提议道。
“唔係咁好挂？Madam来紧唔係要参加selection，如果有乜冬瓜豆腐，加操咁耐咪白费了？”为悭返交通费成日等小巴的光仔想到自己次次等车，都睇到madam仲喺训练场加操，有时阿礼都会帮手，话嗮返咗成日工係人都攰，都不得不佩服madam。
“我哋係查紧佢哋有冇超出同事之外嘅关係，同madam参加selection根本八竿子都打不着边……”贱仁恨铁不成钢的拍拍光仔后脑勺，唔明点解仲有人把口可以衰过自己，明知madam今次係第三次考试，仲要咒佢衰紧。
“但係我睇madam对阿礼都冇嘢啊……嗰次嗰个乜舒子丽约我哋去大马，madam唔係都话好……嗰个舒子丽摆明冧阿礼冧到出嗮面了……”光仔断断续续的解释。
“都话冇拍过拖係咁嘅喇！”贱仁深觉孺子不可教，摇摇头转回去开ball。
早晨集合前，诸人喺大房闲聊，学礼跟文强讲起自己昨晚睇到部笑片，手舞足蹈七情上面，把文强逗得前俯后仰。
“Attention！”展sir摞住训练机会进来。
成team人即刻醒嗮，立定望住阿头。
“我有嘢要宣布……”阿头故作神秘道。
“係咪展sir你同madam要拉埋天窗啊？”八婆队即係八婆队啦，本性难改。
“唔关我事，关阿礼事！”展sir继续卖关子。
“关我事？”阿礼都自觉奇怪，见成班手足望住自己，更是不明所以。
“英国嗰边有个训练机会，梁sir话，想派阿礼去。”终于揭晓答案。
“我去……？”学礼真係好意外，恨入sdu嘅他梗係知SAS嘅训练机会有几难得，话嗮自己都算新仔，估唔到有咁嘅幸运。
“做乜啊？你唔想去？咁我复梁sir先了。”阿头作势要走。
“唔係唔係，我梗係想去了，多谢展sir，我一定唔会辜负大家嘅期望。”学礼挺胸自信满满道。
“睇你两旧鸡扒都知你fit喇，实唔会辜负嘅係咪！”贱仁不客气地拍拍学礼的胸肌笑道。
“其他嘢迟啲先倾，呢份係培训通知。大家三分钟后训练场集合。”展sir递了文件过来，手下新仔咁叻，都没辜负当初自己狠心操练佢嘅苦心。
“Madam！”看文强一个人在canteen用紧早餐，学礼放低啲嘢在她张桌上，自己亦在一旁坐下。
“早晨！”见来人是bob仔，文强开声问好，“食咗未啊？咁早返嚟嘅？”自己早返是做文职加埋呢排加操的习惯，俞大少住山顶别墅区都咁早返，咪仲早起，哇哈，少见！
“食咗喇！係了，呢啲嘢俾你喇！”学礼将桌上的东西推过去。
“乜啊？”莫名其妙俾啲嘢自己，文强都好意外，皱起眉头擦擦手先拿起来，原来是一瓶药酒，仲有一个小文件夹。
见她拿起文件夹翻阅，学礼解释道，“我下礼拜就过去英国嗰边了，你selection嗰时肯定冇得返嚟，呢啲係我惗到嘅我觉得你仲係可以提升嘅部分，同埋我以前自己考试嘅经验，仲问咗轩仔佢哋，希望能帮到你了。呢只药酒係我自己用开嘅，冇我喺度，你自己加操都要小心啲喇！”
“俞学礼，多谢你喇！”估唔到是咁重手嘅礼物，文强郑重道谢。
“我哋兄弟嚟嘅嘛，使乜多谢？等你好消息喇！”学礼故作轻松拍拍她肩膀笑道，“咁你慢慢，我出返去先！”说完便起身行出去。
翻阅了学礼给自己的tips，文强这几日特别注意自己的短板，用了他教的呼吸方法，亦觉得操练起来轻松了些。今日是他赴英前最后一次加操，文强打定主意练完请他好好吃一餐，答谢他长久以来的帮助。
“奇怪，点解仲未嚟嘅？”文强望望手表，虽然住得离总部远，但除开屋企出事请假嗰阵，学礼日日都是准时返工，好少会似今日咁迟到成个钟，仲电话都唔复。虽然自己加操都得，但总归有小小失望吧。练到天色已晚都未见人，文强留低最后一封口讯俾佢，话明等他从英国返嚟再请他一餐，祝他一路顺风。
喺总部浴室冲完凉原本惗住返屋企的Madam So接到有行动嘅通知，其实也都习惯咗计划被打断。因为是周末，手足便装到市区集合都得，她在总部跟车出发。
如果话入得飞虎，可以习惯嘅係日常生活被不时的训练和行动打乱，但这帮经历过hell week血泪考验的铁汉子没法习惯的，是发现case的受害人是自己朝夕相处的手足。当坐在装备车电脑屏幕前的文强在耳机频道里听到做箭头的星仔话“係阿礼，已经救唔返”，莫名的，心就抽痛起来。原来久等未至的那个人，在这里等着她。仲係要做完手头功夫先可以落车，她未睇到帮过自己无数次的那个大男孩被绑在十字架上的惨状，但从阿源眼中的怒火，轩仔沉默的攥拳，可以想见一二。Call来白车，全team人在突如其来的暴雨中肃穆敬礼，送走他最后一程。
杜天宇挑衅香港警方的恶行，自然遭到恶果，姚美玲最终都未能救活，而他亦需在赤柱度过余生。但，她的死和他的囚，可以慰藉什么了吗？SDU Killing House最新记录的保持者，照片换成了黑白。
上一次来浩园，是参加B team阿康的葬礼，这次，却是A team了。展sir惗返送走阿康时学礼都极之难过，话嗮见到手足死于自己身前却无乜可做，是最为可悲。之后见到他更发奋训练，他也感欣慰，作为新人中潜质最高的那个，虽然曾经刺头性格，也逐渐成长，成熟，是可以放心托付任务的一把好手，SDU的未来，应该靠嗮佢哋了。可是，却估唔到，做人原来咁世事无常。
临近放工时分，搞定手尾嘅文强坐在总部大房工位前，对住桌上只药酒，发紧呆。
想起昨晚，轩仔约自己出去小坐。
“係了，Madam，呢份係阿礼屋企人整理他遗物时发现的，应该是给你的，托我转交。”轩仔递过只信封，上面龙飞凤舞写了“Madam蹦极U盘”几个字。
文强接过，才想起来上次两人约了去笨猪jump，后来的纪念U盘拿错的事。次次都惗住下次交返俾佢，但次次都忘记，只是现在，再没机会物归原主了，文强不由红了眼眶。
“其实有啲嘢，我唔知当讲不当讲……”揸住水杯，轩仔望望对面的文强，犹豫不决。
“乜事啊？”文强吸了吸气，忍住眼泪未落，望住轩仔。
“我听阿礼家姐话，阿礼最尾嗰次探监时，同佢讲，佢中意咗个女仔，等佢从英国返嚟，或者会带俾屋企人睇过……因为嗰女仔，宜家准备紧考试，佢唔想嘥佢时间。”成班手足都觉得学礼冧madam，自己都唔只一次问过佢，但佢次次都话，只当madam係兄弟，佢哋惗多咗，还笑笑讥讽佢哋男人老狗咁八卦，但其实真正心意，原来仲係要对住最亲近嘅人，佢先至会说。
文强愣住了，仿佛轩仔说的是自己不识的异国语言，而非从小到大熟知的广东话。
“我宜家咁讲，唔係想要求啲乜嘢，佢屋企人也都唔知呢个女仔係边个。我净係觉得，作为阿礼嘅兄弟，我有必要俾呢个女仔知呢啲嘢，知有个男仔真真正正中意过佢，唔係斋係当佢係兄弟咁简单。”轩仔见文强冇乜反应嘅样子，继续解释道。
文强不知道应该俾什么反应先至恰当，她甚至不知自己是如何返到屋企，只是临睡前发现，一直捏在手中装了U盘的信封已被泪水浸烂。
够钟放工，听到出边班手足七七八八的招手道别听日见。这句话，其实谁都讲过无数次，但原来，不是每一个说过再见的人，都真正有缘再见。就好似，说等自己好消息的那个人，都未来得及等到自己的好消息。
Sniper擦完心爱的狙击枪，放回枪库搞定交接，路过大房，先发现入面仲亮着灯，madam在座位上发愣。看她面色不是几好，阿源都不由有小小担心，遂敲敲门走近：“Madam，咁夜仲未返嘅？”
“喔，我惗住执埋啲手尾喈嘛。”被惊醒的人即时装作忙碌，起身摞住桌角的成沓文件夹，却不小心碰倒了只药酒。
“只药酒……点会喺你度？”阿源眼尖，这不是上次慧慧飞新加坡，阿礼特意千叮万嘱托她帮手带的吗。
扶正药酒，再将文件夹放到后边的架子上。“我行先，你记得熄灯关门。”文强拎起背包，疾步行出去。
着住全套制服，抱住束绿边铃兰花，文强行到浩园中最新的墓碑前。
“阿礼，你话等我嘅好消息，今日我都终于有好消息话你知，我毕咗业，我成功入到operation team了。真嘅好多谢多谢你嘅鼓励，帮我克服畏高，又帮我加操，你嗰本心得都俾到我好大帮助。师兄，多谢你了。”将花束摆低于墓碑前，文强笑着同黑白照片里那双笑眼报告。
“係了，仲有呢只U盘，我成日唔记得俾返你，今日先俾返你啊，你冇嬲喇，我有时係咁大头虾嘅。”文强从制服口袋中取出那枚红色人形纪念U盘，一样摆低于佢墓碑前，跟住自己亦坐低在墓台上。
“係了，阿齐问我你几时先去探佢，我唔知点同佢解释，我惊佢接受唔到，你教下我点同佢讲好唔好？”坐在离他最近的地方，惗返种种过往，不知不觉，文强又红了眼眶。
“仲有啊，阿源同慧慧下礼拜要拉埋天窗了，慧慧仲话多得你嗰时误打误撞笃爆我同阿源扮拍拖，唔係嘅话，佢哋可能都冇可能结婚。佢哋搵我做伴娘，阿源话，如果你喺度，实搵你做伴郎嘅。”将眼泪憋在眼眶里，文强笑着和他报喜，“我惗，如果你喺度，一定都会戥佢哋开心係咪呀？”
“时间都唔早了，我行先了，唔係嘅话赶不上小巴末班车了，你知喇，哩度好难截的士嘅。”清干净墓碑周围的杂草，文强站起身，抿抿唇，同他敬了个礼，“俞sir，bye喇！”
作者有话说
第1章 第 1 章
