《心之所向》心已迟暮

9、定位栋笃笑

　　一個人其實系有好多嘅屬性，扮演住唔同嘅角色，可以系人老竇，又可以系人個仔，可以被人鬧，亦都可以鬧翻人。一個爸爸，喺屋企對住老婆仔女個陣，可能好nice，對住父母又好孝順，不敢博老豆嘴，又不卑個仔博翻自己嘴哦。一個老闆，對住班收下可以呼呼喝喝，而對翻比佢高級嘅人物，又可能好謹慎，好卑微，甚至好樣衰。
　　一個人身處唔同嘅環境就會有唔同嘅屬性，對住唔同嘅人就會扮演唔同的角色，有唔同嘅定位同表現。呢個社會就系咁現實，永遠都無可能千人一面，每個人都有好多面具，來到武裝自己，時時都要換嘅了。

　　試惗下如果嗰D面具戴得唔啱，抑或嗰個角色轉換得唔好，就可能有好大問題。
　　如果一個下屬用對屋企嘅方式來對老細，對住老細呼呼喝喝，覺得老細唔啱，就好似阿媽教仔咁鬧一餐，睇老豆唔順眼，就好似老公打老婆咁打一鑊。
　　齋系惗下都覺得好過癮，但系冇可能！
　　點解冇可能？
　　老細哦，出糧卑你哦，你咁對佢！衣食父母來嘎，咁做簡直系大逆不道。
　　哇，使唔使講到咁嚴重啊，打份工遮嘛？最多咩東家唔打打西家咯。
　　咁好啊，你咩翻出去打西家咯，折包袱，走！
　　走咩走咯，唔使再受個D臭脾氣啊，鬼死咁惡頂啊！成日被人呼呼喝喝，條氣唔順好耐了，今次咩當放大假休息下咯。

　　就咁就冇咗份工，咁咩返屋企咯。翻到去屋企，對住嗰幾件，冤口冤面，好似死老母咁樣。而家冇咗份工遮，使唔使咁啊！
　　點解唔使啊，屋企幾張口等住食飯噶，而家手停口停，分分鐘餓死老婆溫臭屋噶！
　　條氣真系好唔順，咩踢翻對拖鞋咯。倒茶，同我折乾淨間屋啊！成世人都系咁，冇鬼用，煮D飯鬼死咁難食！
　　當老婆系佢下屬咁，鬧到一勁血。
　　D仔女周圍走，又鬧一餐，做曬D功課沒噶，成日掛住玩，卑錢你地讀書簡直就系掉錢入鹹水海啊！死蠢！
　　鬧得屋企都翻曬面，終於個老婆就帶住D仔女返去外家，剩返佢一只公，想鬧都冇得鬧。
　　個肚又打曬鼓，而家手停口停，冇工作，冇飯開，真系陰功！
　　咁點嗎，唯有出翻來做翻嘢咯，對住咩人都笑騎騎，點曬頭，低曬腰，早知今日又何必當初呢！
　　所以話嗰個角色就真系好緊要，如果搞唔清楚就會亂曬龍，真系好大問題噶。而家D後生仔就醒目啦，佢地嘅功夫系好高嘅，佢哋可以喺個心度問候埋你屋企一家大細，甚至乎系祖宗十八代，但系表面就好似完全冇嘢哦，仲好好笑容添。
　　系，陳生，你講得啱，我即刻返去做過第二份，系!
　　os：咁多人唔見你死，撲你個街啊！
　　呢D態度好積極啊!如果我哋嗰個都咁樣，咁好笑口，呢个社会就真系和谐了。
　　哇，好得意，好靓仔啊！
　　os：同你一个餅樣，都系咁樣衰！
　　系咪，你嗰個仲精靈啦！同你一樣咁醒目哦！
　　os：壹加壹都唔識，蠢過只豬啊！
　　呢一天其實好快到噶，人類一路進化梗，社會又越來越進步哦，以後嘀粗口，衰樣都會自動轉換成潛意識。
　　問人哋食左飯沒，就會自動翻譯到撲左街沒;話人好精神，即系點解仲沒死，以後嘀恭賀嘅說話通通都系“冚家鏟”。升職又死，結婚又死，阿媽擺大壽仲大鑊，一晚死足一百次咁多哦。
　　阿媽，祝你年年有今日，歲歲有今朝。冚家鏟take one
　　阿媽，祝你福如東海壽比南山。冚家鏟take two
　　講足成晚，阿媽真系下世都唔使投胎咁咯。