85、生日快乐（五） ...
-
电影院
“快啲喇，套戏就快开场了，又係你话要睇嘅！”食饭食到一半还能不见人影，寿星俞sir拿自己条女冇计，在电话里催促道。
“嚟紧喇！你喺边啊？”都还能听到她气喘吁吁的声音。
“喺你后面啊！”学礼挂掉电话，上前拍拍她无孭背囊的左肩，“你去咗边呐？”
“阵间你就知了，好了，你唔係话够钟入场了，行喇！”文强回头见是他，带着点神秘的笑容，拖住他未拎嘢食的左手向放映厅走去。
“烂神秘～”学礼应了她一句，任由她牵着自己走。
“话係话我哋好耐冇嚟戏院咯……”文强回想了下，从他对眼出事之后，两人真是没到这里看过电影了。
“係啊！都唔知上次係边个喊到整湿我件衫～”想起之前来看电影的情景，学礼无奈回了句。
“咁套戏好感动喈嘛，边个似你咁冷血～”文强撅了撅嘴道。
“咁啲戏都係假嘅了，明知假嘅仲要喊～”唔怪得之人话女人是水做的了，学礼心惗。
“戏係假嘅冇错，但感情好真挚喈，我都好耐无睇过咁正嘅古仔同咁投入嘅演员做戏喇！”检完了票，文强辩道。
“得啦得啦，你讲嘅啱，阵间喺戏院俾人睇到你条仔似个细路咁喊，我仲点出嚟行啊～madam～”找到情侣座坐低，学礼松开被她牵住的手，转而揽上她条腰。
“又冇要你喊，要你明喈嘛～”文强除低背囊，转头教育他。
“睇戏仲咁攰，我又冇要去公仔箱做演员～”将汽水插好吸管递给身边人，摆明自己是陪条女睇戏呀，学礼无辜道。
“你估演员咁好做喈嘛？你去啊人哋都未必收你喈～”文强接过纸杯，又往嘴里塞起爆谷。
“哎，今日我牛一你仲要寸我係咪啊？”学礼点点她鼻尖问。
“咁你冇激嬲我，我咪唔使寸你咯～”文强饮了啖汽水，瞥了他一眼，复又道，“反正我呢啲围村大嘅妹仔係咁嘅了，俞大少你唔中意咪去揾第二个咯～”
“又呷醋啊，不过我like～”学礼笑笑，复又凑近她亲呢道，“madam，我边够胆去揾第二个啊～再讲我惊揾唔到似你对我咁好嘅女仔喇～”
“又话我寸你，又话我对你好，你咁样一时一样我唔知边样真边样假喔～”文强不领情地转开头嘟着嘴道。
“你寸我係真，对我好又係真，总之你对我係点，我摆喺心入面，一世都唔会忘～”学礼覆在她耳边道。
“係咪真嘅啊？口甜舌滑～”文强转回头瞄了他一眼，嗔道。
“梗係了，不然底时我哋头发白咗，你再来问返我咯！”学礼同她甜甜一笑。
文强亦朝他扬起嘴角，不再和他斗嘴，由他揽着自己靠在椅背上，不时喂他几颗爆谷，一同睇戏。
“喔~原来你头先出去摞蛋糕~”看完九点半的戏，两人十一点出了戏院，跟住上山顶睇夜景。接近十二点，文强神秘兮兮地从车子后备箱里拎了个纸盒出来，学礼才知道自己条女食饭食到一半失踪的原因。
“係啊，唔係你以为我去咗边啊？”拆了纸盒的包装，文强小心翼翼捧出蛋糕放在观景台的桌子上。
“哎，唔係你自己整嘅吧？”学礼坐低，拎起盒子左瞧右瞧，也没写明什么西饼屋或是酒店出品，遂不放心地问了句。他不是想扫自己条女的兴，事关之前听未来大舅哥提起过她当年学堂家政课学整蛋糕，食到全家人轮流肠胃有事的光荣事迹，他自然是不想牛一籁嘢了。
“你係咪又听我大佬讲咗啲乜啊？”听他这么问，又看他动作，文强自然发觉其中的古怪，不由嘟起嘴没好气道，“係啊，係我整嘅啊，仲落咗毒添！你咁惊，我食先咯，我死先嘛！”
“咁我又唔舍得~有事咪一起有事咯！”见自己条女有发作的迹象，俞sir忙识做地搂上她卖口乖。
文强伸手点了点他鼻头，跟住解释：“放心，我之前喺网上book嘅，好出名嘅私家蛋糕嚟架~鬼叫你俞大少拣今日生日，我要返工，边得闲整个蛋糕俾你啊，再讲~”她又瞪了他一眼，顿了顿，复道，“你呢啲大少爷，先唔睇得起我哋围村妹仔整嘅蛋糕喈！”
“Sorry喇madam，我点够胆嫌弃你啊~”学礼覆在她耳边撒娇，跟住在她面颊上锡了一啖。
“许个愿先喇~”插好数字造型的蜡烛，点火，文强推推他道。
“好！”学礼望望蛋糕上的一剪烛火，又转头看看身边人，双手合十低头闭眼许下了27岁的生日心愿，跟住睁眼吹熄蜡烛。
“生日快乐！”文强凑过来，双眼带笑轻轻道了句。
“多谢你，madam！”学礼笑着搂住她的纤腰，将她带进自己怀里，轻轻啜吻。跟住感觉到她双臂，亦揽上自己条颈。
“又要我陪你睇日出，又唔叫醒我~”隔日返工路上，文强嘟起个嘴抱怨道。
“咁我睇你咁好瞓，唔舍得嗌醒你喈嘛~反正下次仲有机会啊！”学礼耐着性子解释道。
“咁又使乜留喺山上过夜啊，你估你架车好瞓咩？”虽然喷了蚊怕水，还是有不识相的蚊子趁车门开关时飞入车内，文强挠着手臂上的红痕没好气道。
“好喇~喺我唔啱，拖你上山先俾蚊咬到一啖啖。你冇嬲喇，最多我补返数咯，你俾蚊咬咗几啖，你咬我几啖都得！”学礼大方地伸出左臂供她泄愤。
“你估我係蚊咩，鬼得闲咬你啊！”从背囊里翻找到止痒药膏，抬起头，文强拍开面前那只精壮黝黑的手臂，抹起药膏来。
至于madam脖子上和手臂上的一啖啖这日训练时被手足们如何解读，又是后话了。
作者有话说
第85章 生日快乐（五）
