78、俞sir孭数 ...
-
文强上了的那部lift学礼来不及截住，他只得问了护士安全通道方向跑楼梯追下去，但等他下到一楼时lift又早已回转上楼。打文强电话都飞去留言，在医院花园里找了一圈，才透过玻璃窗看到她呆呆坐在canteen里，座位前的桌上摆了纸杯和盛有三明治的碟子，她却只是双手握住纸杯，目无焦点地发着愣。
“……阿强”学礼不觉有些内疚又有些胆怯，坐低在她对面才轻轻叫了一声。
“你冇问我，我自己都冇结果，所以冇嘢可以话你知。”发现来人，文强回了回神，转头负气道。
“……所以，你真係有咗？……你做乜唔同我讲喈？”学礼鼓起勇气覆上她揸住纸杯的手，在8月初的夏日上午仍是微凉，显见得她压力不小。
“同你讲有乜用？如果我讲嘅你都有听，都唔会係咁！”文强抽回被他覆住的手，强忍着气反问。
“乜喈？你咁讲係乜意思？”学礼被嬲得一头雾水。
“乜意思你自己唔知？嗰晚后尾……你做过啲乜你自己清楚！”学礼归队后的那一晚文强自己都有些半醉，很多细节都记不清楚，唯一有印象的是第二日睡到日上三竿和全身酸痛。
“嗰晚？”学礼想了想才明白她说的是什么时候，却又不明白她是在气自己什么。那晚自己是不够有分寸，让她累到了他承认，可是自己是做足了保护措施的，难道她误以为自己贪就手……？心神一凛，他忙试探道：“你係咪认为我嗰晚……冇用……？”
“唔通你有？？唔通係我屈你？？？”文强火气更大，语气不善地反问。
“我梗係有了……我点会冇喈？冇用我点够胆……”学礼无奈地揪着眉头解释道。
“你肯定你有？”文强怀疑地追问。
“你唔係咁都唔信我吧？”学礼自问虽然自己那晚狼死，但都未够胆不保护和尊重她，“Madam，我知我嗰晚，係，冇俾你唞，係我衰。但係我真係有……如你话哉，宜家你喺operation team，如果有咗又唔知，出咗事都会係好大件事，我梗係唔想俾你有事了！你信下我了！”
“如果係咁……咁都係整定嘅了……”见学礼言之凿凿，文强瞪大双眼喃喃自语。
“Madam……”学礼思索片刻，望住她郑重开口，“我知，宜家咁样环境同你开口，真嘅唔係好适宜。但我想同你讲，你可唔可以嫁俾我？”
文强失神地望向他，似是完全未明白他讲紧什么。
“我知，喺咁样嘅环境同你求婚，你梗係会嬲我，冇花，冇戒指，仲要喺医院canteen……”学礼的喉结不明显地动了动，跟住道，“我都知，你仲有好多嘢想要做，如果因为你有咗，就要你嫁俾我，係要放弃好多嘢，对你好唔公平。但係，我係真心中意你，都係真心想同你建立一个家庭，照顾你，照顾我哋嘅bb。你可能会觉得我唔够成熟稳重，但我会再继续努力，学习如何做一个称职嘅丈夫同爸爸。唔知你可唔可以俾我咁嘅机会？”
“其实……其实我仲未有心理准备……做一个妈咪……”在毫无准备的状态下被求婚，文强一时还不是好清醒，怔怔道。
“有啲嘢係冇得准备嘅，就好似我哋take action遇到突发情况，都可能需要我哋自己去做决定。Madam，今次你係commander，我听你落order……宜家你有咗bb，bb喺你身度，虽然我係bb嘅爸爸，都一样净係可以俾啲建议啲tips你。无论我有几中意你都好，好多嘢係要你自己孭，可能你又冇得留低喺operation team，要做返文职，我知对你嚟讲係好大嘅牺牲。”学礼低下头，深深吸了口气，跟住抬头举起右手道，“但係我可以用自己条命，用自己身为SDU嘅名誉发誓，我会一世陪住你，对你好，尊重同埋爱护你。请你嫁俾我！”
听到学礼的深情告白，文强不是不触动，可是惗惗下他那句“宜家你有咗bb”，先发现他可能已经误会了，忙解释道：“其实……其实检查结果都仲未出，我都唔肯定我系咪真係有咗……阿礼，不如我哋等到结果出咗先倾好唔好？”
“阿强……”听文强的口气，不像接受倒像拒绝多啲，学礼不免有些心急，伸手握住她的手。
“阿礼……”文强打断他，却无再挣脱他的掌握，任由他握住自己，牵起嘴角复又道，“我好多谢你同我求婚。至少你愿意为bb负返责任，等我知道自己冇拣错人。如果真係有咗bb，佢宜家睇到你咁样，都会知你有几中意同埋期待佢嘅出世，会知道自己嘅爸爸係一个膊头有担当，唔会甩底嘅男人，佢都会开心。”之前自己是气他乱来，但既然他如此确定那晚未有出格的行为，如果真的有了，也是天意，怪不得人。虽然现在结婚并不在自己的计划内，但做人总归是要负责任，唔好唔为bb打算。
她抿抿唇跟住道：“我都知你头先讲出呢啲说话都需要好大勇气，但我都想我哋等埋嗰结果，先惗清惗楚下一步点样做，你觉得呢？”
头先一时间未听到文强应承求婚，学礼诚然有小小失望。但听完她这番话，他也意识到自己求婚确实太仓促，虽然是自己误会她的意思，误以为已经确定怀孕。但就算已有了检查结果，要她即刻给自己一个答复，也是太匆忙太逼切。算了，至少这次毫无准备的求婚让她看到自己的态度，让她定心，其他事，根据检查结果再决定了。想到这里，他遂也朝她笑了笑：“话咗你係commander了，听嗮你话。总之你放心，唔管结果係点，我哋一起面对了！好似我陪你free fall嗰次，你记得你唔单係自己一个人，仲有我喺你身边就得嘅了！”说着将啲嘢食朝她推了推，“快啲食了，无论有冇bb，饿到自己总係唔好，因住胃痛。係了，牛奶冻了，冇饮住，等我买多一杯俾你。”跟住他站起身，转身朝柜台走去。
作者有话说
第78章 俞sir孭数
